老媽拌麵 (北角匯二期)

营业中

休息中

自从喺北角返工之后，北角汇附近食肆基本上都俾我试匀晒，老妈拌面就系其中一间我会回头嘅餐厅。今日有个旧同学过嚟揾我食饭，我哋叫咗两个套餐，其实有面有前菜又有饮品，都算几丰富。前菜分别系麻酱秋葵同车厘茄，秋葵加咗麻酱之后容易入口得多，而车厘茄仲有淡淡的话梅味，令人非常开胃。溏心蛋肉燥饭充满台式味道，拣咗秘制微辣，最啱我呢啲钟意食辣又唔食得辣嘅人。麻辣老锅汤面辣度就相对较强，麻辣汤底非常出色，面质又够弹牙，基本上配简单嘅配菜就已经够晒好味。另外我仲加配咗小食，拣咗澎湖花枝丸，台式嘅花枝丸真系零舍弹牙好味，三粒嘅份量啱啱好。朋友就话想饮珍珠奶茶，呢度嘅老妈黑糖珍珠鲜奶茶都相当有水准，珍珠用黑糖煮过，既Q弹又入味。我就拣杯滋润啲嘅金罗汉果海底椰热饮，真系够晒真材实料。