黑布小巷 (黑布街) (已結業)

本身想食午餐间餐厅好多人排队，所以谂住食少少野医下肚仔先，再去食个间。我醒起旺角最近新开左间台式吐司小店，好适合只系需要食少少野又唔饱既我地，一于起程。黎到都有唔少人，我地决叫一份台式肉蛋芝士吐司share食。落左单等左十分钟左右就拎到手。呢间主要做外卖生意，系巷仔有少量座位俾你堂食，但环境当然就唔多好啦。台式肉蛋芝士吐司索价$53，吐司烘得好脆，夹住一块薄薄既猪扒，流心蛋同芝士。卖相好吸引，酱汁甜甜地，几好食。流心蛋好正，但会流到周围都系，芝士溶溶地，好邪恶。不过虽然好食，但我觉得定价太高。