影片
更多
2018-10-22
5 浏览
落住雨等朋友k收工， 难得佢终于可以喺九点前收到工，当然要陪佢食饭，兼且听下佢吐苦水，作为一个香港嘅打工仔，ot自然少不免， 不过几忙都系要食饭。同朋友喺旺角见到呢间汤米，感觉都几干净企理，行到攰攰哋就入去食。大概七点零钟嘅时间，未算好多人，不过我哋一点完餐，就有唔少食客入咗嚟，几乎满座。净系火锅都有九款，系一人一锅嘅形式，每个套餐都跟一碗白饭或者粉丝，我哋分别叫做招牌臭臭锅、巴蜀烤鱼锅、泰式海鲜锅，同埋日式味噌锅。饮品方面都有唔少选择，我哋亦都一人叫咗一杯， 主要都系一啲台式嘅手调饮品， 有女仔比较钟意既水果茶。台面上亦都有酱料，有必食嘅蒜蓉同辣椒粉，豆瓣酱就略咸，酱油就ok既， 不过朋友k 就钟意食咸啲，如果有美极就perfect 池。我自己就叫咗一个招牌臭臭锅，食台式边炉就必点臭豆腐啦， 不过呢度嘅臭豆腐唔算好臭，但就比较淋，豆腐入面有一个个嘅小窿，非常索汤， 入口好爆汁，食嘅时候要小心啲。除咗臭豆腐之外，呢个汤锅入面亦都有唔少材料，例如鹌鹑蛋、大肠、娃娃菜、椰菜、蚬肉等等。 而且汤底有啲沙茶酱料香味，蔬菜吸收咗汤底嘅味道，好好送饭。而且不得不赞嘅系啲大肠唔会太肥、薄身，唔会太
同朋友喺旺角见到呢间汤米，感觉都几干净企理，行到攰攰哋就入去食。
大概七点零钟嘅时间，未算好多人，不过我哋一点完餐，就有唔少食客入咗嚟，几乎满座。
净系火锅都有九款，系一人一锅嘅形式，每个套餐都跟一碗白饭或者粉丝，我哋分别叫做招牌臭臭锅、巴蜀烤鱼锅、泰式海鲜锅，同埋日式味噌锅。
饮品方面都有唔少选择，我哋亦都一人叫咗一杯， 主要都系一啲台式嘅手调饮品， 有女仔比较钟意既水果茶。
台面上亦都有酱料，有必食嘅蒜蓉同辣椒粉，豆瓣酱就略咸，酱油就ok既， 不过朋友k 就钟意食咸啲，如果有美极就perfect 池。
我自己就叫咗一个招牌臭臭锅，食台式边炉就必点臭豆腐啦， 不过呢度嘅臭豆腐唔算好臭，但就比较淋，豆腐入面有一个个嘅小窿，非常索汤， 入口好爆汁，食嘅时候要小心啲。
除咗臭豆腐之外，呢个汤锅入面亦都有唔少材料，例如鹌鹑蛋、大肠、娃娃菜、椰菜、蚬肉等等。 而且汤底有啲沙茶酱料香味，蔬菜吸收咗汤底嘅味道，好好送饭。
而且不得不赞嘅系啲大肠唔会太肥、薄身，唔会太漏。
原本跟餐嘅白饭我就转咗做卤肉饭 ，加12蚊，卤肉饭嘅味都几香口，充满酱油香，不过猪肉略嫌唔够肥，冇做到卤肉𠮶种油腻嘅质感。
至于友人就叫咗呢一个泰式海鲜锅，材料都几丰富，有唔少嘅大虾、青口、蚬肉，而且汤底嘅冬阴功味都几香，除咗香料味够重之外，亦都好有椰汁味，但系唔会太辣， 钟意食辣嘅朋友，就可以嗌中辣，甚至大辣。
而另一个嘅日式味噌锅， 用嘅系白味噌，所以煮落都唔会太咸， 而且入面都有好多蔬菜，比较清淡。
而朋友k就选择食呢个麻麻辣辣嘅巴蜀烤鱼锅，鱼肉都几厚，不过就比较多骨，汤底好重花椒味同麻辣味，相当刺激。如果采用一啲比较少骨嘅鱼，咁食起上嚟就更加方便啦。
顺带一提 ，每个锅都有一粒鹌鹑蛋，其实都几好食嘅，不过可惜既系只得一粒单独嘅春蛋，略嫌有少少寂寞，唔系几够喉。
饮品方面我就叫咗爆柠四季春， 非常多嘅青柠， 但系唔会太酸，入口好有柠檬香，而且唔会遮走啲茶味，感觉好清新。
整体而言，饮品质素唔错，食物款式都多，地点都算就脚， 平均每人百零蚊， 旺角食饭而言，都系个唔错嘅选择。
张贴
