段純貞牛肉麵 (如心廣場一期)

营业中

休息中

今日去咗如心广场二期嘅台湾过江龙 段纯贞呢间餐厅主打牛肉面，有几款不同口味，有麻蓉，红烧，蕃茄。今次我哋就点咗一个红烧腱心半筋半肉牛肉面，一个来店必点嘅三宝面（腱心牛肚牛筋），一个酥炸排骨面。先讲牛肉面，汤底真系好浓郁，饮完都唔会觉得有口渴嘅感觉，其次𠮶啲牛肉炆得好琳，唔会有好干嘅感觉。牛筋同埋牛肚都好食，所以我哋忍唔住再加多个卤水拼盘，想试多佢一两样嘢，但可惜既系卤水拼盘就冇乜特别。另外排骨面都有惊喜，排骨份量都好多同埋炸得好香口，好食！ 饮品方面嗌咗个珍珠奶茶，珍珠好有咬口，茶底几香。总括呢个价钱如果食牛肉面算系正常。