茶木‧台式休閒餐廳 (荃新天地)

营业中

休息中

「如果可以，我想和你回到那天相遇」，最近听完歌曲「如果可以」，又睇完台湾嘅饮食节目，令我好挂住台湾嘅美食，所以夜晚就去左茶木食台式食物喇。微辣手工伴面（$99）- 松露塔喜酱鸡丝我好钟意松露塔塔酱架，而且用筷子将青瓜丝、鸡丝、松露塔塔酱搅匀嘅时候，已经闻到好香嘅味，忍唔住要即刻品尝。果然无令我失望，每一啖都有浓渴嘅酱配搭，好幸福～-麻辣鸭血拼素鸭鸭血非常入味，食落去唔会觉得有腥味，只系食到香口嘅麻辣味，绝对会令人想再食多啲。- 自家制椒麻伴面呢个面食落去一啲都唔硬，面质适中，份量又好啱一个小女生去食，椒麻嘅香料令到成个伴面都好开胃，𣊬间食欲大增。- 甜品芋圆红豆配豆腐花，味道方面唔会太甜，亦都无俾红豆芋圆抢左豆腐花嘅清甜，可以系主食之后试一试。