焼肉スマイル (燒肉smile)

喺香港未有时间去旅行住，梗系要食返其他地方嘅嘢食止下瘾。呢间烧肉餐厅喺台湾极具人气。餐厅近年就喺旺角开咗烧肉、锅物等系列，今日就黎试下烧肉。餐厅环境新净，空间感十足。枱与枱之间唔会太逼夹。餐厅平日午市，正餐都系100多啲左右，价钱非常合理同埋相宜。当日就拣咗Smile盛盒套餐同埋海鲜盛盒套餐，加$25任食生菜及韩式小菜自助吧，非常丰富。Smile盛盒包括左大大只嘅虾，最惊喜嘅系有北寄贝，烧北寄贝都系第一次，同埋有唔同嘅肉嘅部位。一次过满足晒想食唔同肉类嘅欲望。海鲜同肉嘅份量十分适中，配上唔同嘅酱料，非常滋味。海鲜盛盒除咗有唔同海鲜，包括鱼，虾，同埋北寄贝之外，亦都有肉类，所以份量都十分够，大大食嘅我都非常之饱。饮品方面，餐厅都有唔同嘅选择。当日就拣咗冬瓜柠檬，清甜解渴，配搭烧肉非常一流。最后加埋个甜品，点咗个烤布蕾，表面烧得焦糖香脆，完结满足嘅一餐。