點·子·巷

营业中

休息中

又再四出揾食，今次去埋测鱼涌，见间舖头名几特别就去试下啦～盐水浸娃娃菜。 如果点呢道菜，你期望会系咩味? 好清?清到好似烚菜加盐咁?以上都不能形容呢碟菜。 佢系清嘅，不过系清甜嘅清。佢嘅煮法令菜嘅鲜甜味更出，菜身相地爽口。 呢度有药膳鸡窝，咁养生嘅野唔系唔试下呀～呢道名为桂花醉香药膳鸡窝。注重健康嘅我点会放过呢啲养生菜式呢?呢个不算是浓汤系，不过当店员喺厨房拎出黎个一刻，已经闻到清清嘅药膳窝味(都可能系我地坐得太近厨房)桂花味好香，舖满成窝汤，唔似你去有啲食肆只系得几束花放喺汤面，所以卖相相对地无咁吸引嘅。唔理啦，试左汤头先，真系有桂花味，第一啖系好清好清有轻轻嘅甜味，饮多几啖啲药材味就走出黎啦～汤入面有劲多杞子，食到最后发现原来有龙眼肉，唔怪得有轻微嘅甜味啦再黎就系香酥鸡排肉燥面。肉燥味道出奇地浓烈，就算混入汤中亦不会因而变淡。香酥鸡排是炸得好干身个种嘅鸡排，但不算是咬落会"索索"声嘅脆，只能做有口感。