Dazzling Cafe (The ONE)

营业中

休息中

dazzling cafe, 大家都唔陌生，台湾既过江龙，主打甜品意粉既主题餐厅，侍应系满满台湾口音的（唔知系咪台湾人），见到难得星期六12点唔驶等位，就入左去，平时排晒队，可惜只有90分钟。建议下次都要早d嚟嚟呢间，必饮水果茶，一壶都系$48~52，都有3杯，甜度刚好，我唔钟意太甜的，水果茶香加新鲜水果，养生又好饮。上次试过，青酱鸡扒意粉好食，今次叫返，可保持水准。青酱即系用大量香草切碎，加橄榄油搅拌，再加cream炒意粉，所以个酱好香，易入口。试新野，见menu话乌鱼子系台湾空运过嚟，乌鱼子炒意粉，碎晒既乌鱼子好多，满满的铺喺意粉上面，再加香草。乌鱼子系咸香的，味道好浓，个人觉得始终喜爱传统d既西餐，呢个唔系唔好食，但不是我杯茶。想食甜品，但唔比叫因为侍应说我们只有10分钟，叫得嚟都食唔切，呢吓真系几hurt, 原来90分钟好快，下次记得一次过叫埋先有得食甜品。