影片
更多
2013-07-02
220 浏览
虽然小弟唔喺泰菜粉丝，但都几钟意食泰菜，因为煮泰菜用唔少香料，就以咖喱为例，黄咖喱、青咖喱、红咖喱……都不下三几款，菜式味道多变。今晚有幸掹车边跟食友同嚟位于湾仔嘅「曼谷泰菜」试菜，席间倾开先知原来总店晌北角，仲有其他分店开设于天后、小西湾、沙田、屯门等地，而依间湾仔分店都喺开咗1个月多啲 。此外，有专营批发嘅集团作背后支援，货源及价格相对占优，做到所需嘅泰国材料都由泰国空运直送 。另外，所有店舖都用上泰藉厨师，不过，北角及天后店嘅侍应就全泰藉，其他分店就一半一半，好似嚟依间湾仔店，就唔怕沟通唔到。餐厅唔似一般晌九龙城见嘅泰菜馆咁满天神佛，装修较为摩登啲，木地板、仿砖墙配芥辣黄梳化，感觉醒目 ，而周围又挂有少少泰式木刻或泰式摆设。座位以卡位为主，亦有三几张马蹄形梳化，不过最正喺入门口左边嘅贵宾房，坐到8-10人，空间感足，私隐度高 ，以平日而言，暂时仲未设有最低消费或其他限制 。精致嘅餐牌中，款式一共分为10类，依次为小食、沙律、汤类、海鲜、咖喱、小菜、饭类、河粉及金边粉、甜品、饮品。店方都安排都好细心，除河粉及金边粉外，基本上每个类别都有挑选当中手本嘅菜式等我哋品尝。 泰
餐厅唔似一般晌九龙城见嘅泰菜馆咁满天神佛，装修较为摩登啲，木地板、仿砖墙配芥辣黄梳化，感觉醒目 ，而周围又挂有少少泰式木刻或泰式摆设。座位以卡位为主，亦有三几张马蹄形梳化，不过最正喺入门口左边嘅贵宾房，坐到8-10人，空间感足，私隐度高 ，以平日而言，暂时仲未设有最低消费或其他限制 。
精致嘅餐牌中，款式一共分为10类，依次为小食、沙律、汤类、海鲜、咖喱、小菜、饭类、河粉及金边粉、甜品、饮品。店方都安排都好细心，除河粉及金边粉外，基本上每个类别都有挑选当中手本嘅菜式等我哋品尝。泰式虾片 $13
一早已放有一篮晌枱上，咪以为喺必然嘅餐前小食，其实已经喺餐牌中嘅其中一款小食，非常香脆可口，又有点咸虾味，一篮又点够喉吖？唔该，俾多篮吖！
串烧沙嗲（猪、牛、鸡）$78 / 半打，$130 / 1打 牛肉用上本地新鲜货，而猪肉及鸡肉则用冰鲜货色，但集团本身晌国内有自家农场，冰鲜鸡都做到即日送到，所以质素不下于新鲜鸡，而且，所以腌肉工序都晌柴湾中央厨房搞掂晒，保持每店质素平均、稳定。各款串烧都带点炭火香，肉质不俗，尤其鸡肉，确喺软腍，串烧之上已淋咗椰浆奶，当然，蘸自家炒制嘅沙嗲梗唔少得啦！
金柚子虾球沙律 $88 唔讲真喺唔知，原来啲金柚跟有时晌超市见到嘅黄色金柚唔同，柚子取自泰国青绿色嘅金柚，一样清甜多汁，最难得喺拆柚肉唔会碎湿湿，而喺大大嚿，好有睇头 ，加埋花生碎、鱼干仔、干葱及椰子干片，好丰富嘅口感；再者，啲虾球又爽弹，喺是日嘅推介之一 ！
冬荫公汤 $82（2位用）$158（4位用）$198（6-8位用) 冬荫公有唔同份量，好有弹性嘅安排。眼前依个喺6-8人份量，其后都仲有得添汤，所以10个人都够饮 。单睇色泽已经够惹火真想冒汗，但饮落其实微辣唔呛喉，店主提醒话为迁就港人关系，希望人人都试得到，好多辣嘅菜式晌辣度方面有所调低，如果你顶得辣，就不妨开声要求佢哋做番地道嘅辣度，包保食得过瘾。此外，汤中用料不赖，大大只嘅大头虾清晰可见，又放有好多草菇，加埋多种泰式香料，酸香微辣，醒胃非常 。
泰山北斗 $328 真喺搲头嘅菜名，无非都喺参赛作品改名改得型啲，其实餐牌中已列明喺一道青胡椒薄荷蟹，由泰籍总厨设计，晌本地嘅食神争霸战中嘅获奖菜式。其实晌海鲜类一栏，都有唔少蟹菜式，如招牌咖喱炒蟹、辣椒羔炒蟹、干炒蒜香蟹……等等，但既然喺得奖菜，自然有其吸引地方。虽然外观有啲「吓人」，但香味绝对突出，以金不换、青胡椒、薄荷叶、鱼露、青柠……20多种香料制作，香味层次当然不言而喻 ；选用肉蟹，而且够晒大只，肉多味鲜，除香料味，亦带少许辣，令蟹肉更觉鲜甜 ，不过，唯一可惜喺个汁酱有啲过咸，要扣分 ！
黄咖喱牛肉 $88．焗蒜蓉包 $33（5件）咖喱菜式都唔少，共10款之多，黄咖喱、青咖喱、红咖喱，有猪牛鸡、杂菜、虾球、鱼柳，相信都总会揾到啱你心水。店家安排个黄咖喱配牛肉，黄咖喱嘅辣度同样温和，较重椰香味，牛肉软腍，又加上有好多配菜，如红黄绿灯笼椒、洋葱，仲有唔好错过垫底嘅薯仔，炸过所以外皮有点脆，内里好松化，又有薯味。剩番嘅咖喱汁当然唔好嘥，配白饭（$13碗）故然好，精啲就可以叫个鸡油香饭（$16碗），但揾香脆嘅蒜蓉包蘸咖喱汁，蒜香夹咖喱，就更添滋味 ！
芭提雅烧鸡 $118 / 半只，$198 / 全只卖点喺选用饲养咗105日嘅走地鸡，完全唔打激素，只喺简单腌过炭火烧香。所以，鸡只烧得金黄，而肉质挺嫩，再点一点泰式酸辣酱，味道不俗。
荔枝虾球（价钱待定） 除上述嘅烧鸡喺属于小菜菜式，依个荔枝虾球将来都可能列为小菜菜式，将来？因为依道喺新菜，暂时仲未加入餐牌中，能先试为快，实在好感谢店方安排。以原粒荔枝包住去壳嘅缅甸虾，蘸上粉浆酥炸，咬落先喺外层嘅松脆香口，跟住荔枝嘅清甜湿润，再加上虾肉嘅爽口弹牙 ，真喺简单嘅组合，惊喜嘅配搭，实在唔可以唔推介啰 ，希望店方早日推出，等大家都试到依味夏日新菜！
香焗芋头饭 $78 饭类晌度都无求其，十多款炒饭、焗饭，各具特色。香焗芋头饭，饭内加入香芋、肉碎、冬菇、芹菜、虾仁、姜丝、葱度……等等，用料丰富 ，饭粒又软绵绵入味，实属心机之作 。由于依个焗饭制作需时，约20分钟，有心试就预早落单。
大树菠萝冰 $38 除一般咖啡、奶茶、柠水都有供应外，嚟到泰国餐厅又点可以唔叫啲泰式特饮吖。小弟一向都钟意榴梿呀，大树菠萝呀，依类重口味嘅东南亚水果，所以饮品就当然点杯大树菠萝冰啦。冰冻嘅椰奶做底，好浓椰香，又有好多大树菠萝果肉，一丝丝浮晒晌杯面，又爽又正呀 ！题外话，据食友分享，依度嘅椰青（$45）亦都不俗，原来椰青每个星期都会返两次货，货源新鲜。
去到尾声，又喺甜入心嘅时间，除咗一道香芒椰汁糯米饭之外，加埋一份泰式甜品拼盘为今餐作结，真喺完满嘅一餐。
香芒椰汁糯米饭 $48 以芒果片砌出玫瑰花形，卖相已经讨人喜悦，更教人惊喜喺糯米饭用上紫糯米及白糯米，前者烟韧，后者软糯，又沾满浓浓椰浆，芒果采用吕宋芒，果肉芳香甜蜜，真喺非常好食 。
泰式甜品拼盘 $48 / 6件，$78 / 10件
甜品菜单中仲有其他地道甜点，如果心多，不妨要份大嘅泰式甜品拼盘，包括：椰汁木薯、椰丝芝麻糯米糍、椰汁千层糕、椰汁西米糕、椰汁大菜糕，款款2件。木薯口感有啲似食紧蕃薯，几有趣；糯米糍稍嫌个皮韧啲，但面面铺满椰丝搭芝麻，味道蛮香；千层糕四四方方，一层椰汁一层班兰，清甜好味；而西米糕内里又加入咗少少栗米粒，多份爽脆；至于大菜糕，相对较为大路普通！
最后晌门口拎走张单张，原来喺到会单张嚟，「Gourmet Thai Express」喺集团旗下一员，由冷盘、小食、热盘到甜品，一应俱全，咁无论公司好定晌屋企好，搞派对就唔使次次都叫薄饼啦，泰菜到会有啲新意嘛 。
张贴
