麻神麻辣火鍋 (已結業)

冬天点都要打一次边炉，成班朋友倾计聚聚，就黎左呢间系铜锣湾的麻神!入到黎睇左阵Menu，服务生竟然同我地讲7:30前卖单有25% discount~真系估唔到咁岩撞正有折.....好似好抵!呢度环境唔错，一台台有屏风挡挡咁，可以慢慢食慢慢倾!我地要左个鸳鸯锅，有辣有唔辣，迎合大家口味，我自己就食左麻辣个边，个麻味好重好浓好香，辣味适中可接受!我地都叫左唔少野食，呢个新鲜肉眼根，肉味浓，口感细腻又爽口，好少食到，正~呢个牛颈脊又系大推，牛味好重，肉质丰腴，质感有弹性，香滑啖啖肉!果冻鸭血，好特别，劲少有，真系似果冻，好滑，入口即化无腥味，口感特别丰富。台湾蜂巢冰豆腐，睇个样好似好鞋咁HAHA，但睇佢表面有一层层好似蜂巢咁，一个个细孔索哂D汁，入口系全部汁好好味~另外仲叫左蔬菜、响铃、虾丸、油条、蛋饺，超丰富嘅一餐，而且食完都觉得呢度食物新鲜，汤底又好味!加上食物款式好多可以拣，打边炉呢度真系唔错!