影片
更多
2018-11-27
275 浏览
食野系我快乐既泉源，辛劳工作左一整日，好需要找个地方享受晚餐，同朋友倾下计放松一下。尖沙咀Cafe唔算多，［乐园］是其中之一且拥有过百好评的Cafe，餐厅系商业大厦，环境清静，装修得好缤纷，仲有两只猫猫坐阵，同楼下人烟稠密既街道截然不同。连啲餐具都精心选择过，好girly，女仔会好钟意！碟上会送你两粒mentos，一方面清洗下味蕾，二来食糖开心嘛，贴合到餐厅个名呢到主要食西餐，款式都几多，见食评都有唔小人叫厨师发板，整得好靓！不过我同朋友都好肚饿，想叫饱肚啲既野佢仲有最新厨师推介既小食，入面有几款，个薯饼望落好吸引，忍唔住要叫来到Cafe，饮品是重中之重，倾计必需要配一杯好喝既饮品！榛子朱古力（跟餐+$25）见天气凉左想饮返啲热野，暖下胃，所以我拣左榛子朱古力，贪榛子够香。第一眼望杯朱古力果时觉得佢好浅色，应该会好淡，点知俾我想像完全唔同。饮落好浓朱古力味，再加左榛子既香，好好饮，钟意佢带少少苦，唔太甜。朋友睇相俾杯金莎雪冰（跟餐+$45）吸引左哗杯野黎到系我俾佢吸引左，未饮过一杯沙冰高到咁，朋友未试我已经忍唔住抢左黎试面头果层冰有微微朱古力味，本来有点失望，因为朱古力唔够。点知好戏在
尖沙咀Cafe唔算多，［乐园］是其中之一且拥有过百好评的Cafe，餐厅系商业大厦，环境清静，装修得好缤纷，仲有两只猫猫坐阵，同楼下人烟稠密既街道截然不同。
连啲餐具都精心选择过，好girly，女仔会好钟意！碟上会送你两粒mentos，一方面清洗下味蕾，二来食糖开心嘛，贴合到餐厅个名
呢到主要食西餐，款式都几多，见食评都有唔小人叫厨师发板，整得好靓！不过我同朋友都好肚饿，想叫饱肚啲既野
佢仲有最新厨师推介既小食，入面有几款，个薯饼望落好吸引，忍唔住要叫
来到Cafe，饮品是重中之重，倾计必需要配一杯好喝既饮品！
榛子朱古力（跟餐+$25）
见天气凉左想饮返啲热野，暖下胃，所以我拣左榛子朱古力，贪榛子够香。第一眼望杯朱古力果时觉得佢好浅色，应该会好淡，点知俾我想像完全唔同。饮落好浓朱古力味，再加左榛子既香，好好饮，钟意佢带少少苦，唔太甜。
朋友睇相俾杯金莎雪冰（跟餐+$45）吸引左
哗杯野黎到系我俾佢吸引左，未饮过一杯沙冰高到咁，朋友未试我已经忍唔住抢左黎试面头果层冰有微微朱古力味，本来有点失望，因为朱古力唔够。点知好戏在后头，饮到杯入面果到，个味浓好多，又系好香榛子味同朱古力味，饮到底系最浓最好味！
红蟹忌廉薯饼（$88）
有图有真相！！只猫猫好得意，只碟心形好特别，啲花花好靓，成个摆盘都劲靓！个薯饼有三旧，佢系非一般既薯饼，个皮炸得好脆，薄薄地咁，入面系热辣辣打到好绵滑既红蟹忌廉，滑到一切开就流出黎，好香又甜甜地，加埋面头既蟹子，鲜味得黎又唔漏！真系睇得又食得。
安格斯肉眼扒（$218）
餐厅用呢啲碟，感觉好grand，黑色配左啲酱汁贴埋小花，成件事真系好靓（又要讲多次），未食都已经够开心
个扒我地叫左7成熟，我就略嫌7成熟左少少，但朋友话好食，扒入面都仲有少少红红地。可能都系7成熟既关系，有啲硬，不过一咬落去入面仲有好多肉汁渗出黎，而且个扒唔会太肥，share食个份量岩岩好。本身佢配左兜酱，甜甜地咁，几特别，但我钟意原汁原味多啲，所以好少点。薯菜果到呢佢除左一旧旧薯角之外仲切左丝桥埋左拎去炸，一啲脆一啲林，有两种口感。真有心思！
黑松露鹅肝意大利饭（$188）
我又要强调，呢间野啲摆盘真系值得一赞，鲜艳既颜色点缀，增加左我既食欲。呢碟饭好似系招牌菜，估唔到块鹅肝咁厚，上面有一笃仔黑松露。黑松露太浓味喇，咁样少少地就岩岩好用黎捞晒成兜饭，过多就会喧宾夺主。饭既质地都唔错，忌廉令到饭够黏同埋煮既时间恰到好处所以软稔之余又带烟un，饭有少少味道，食落算淡，但连埋鹅肝既油香一齐食，一流
本来想试埋甜品，但我地实在太饱，最后放弃左。
呢到的确系「快乐园地」，食物卖相、味道、创意都非常出色！如果布置方面再华丽一点就更好，咁先match到啲食物！
张贴
