點點心 (已結業)

一大班朋友一起去饮茶便多数揾酒楼，如人少少，又想去饮吓茶便可到点心专门店一盅两件。中午想吃蒸饭，呢处有午市优惠盅头饭，只限堂食，仲有生菜一碟，只是$32，算几抵食。花菇滑鸡蒸饭，瓦煲仔上枱，花菇滑鸡都调味得入味，鸡肉唔嚡，而且𩠌份量也多。加埋生菜一大碟，食唔晒。点解此餐只可堂食，想就是让你有机会叫其他点心吃的，所以如把持得住就好化算的。对不起，我输了，忍不住叫咗陈皮蜂蜜炖原只雪梨，只$15便叫来试吓啰！雪梨水微带酸味，洒上的是已调味的九制陈皮，炖雪梨肉似啤梨的质感，还算清甜，一试无妨。