影片
更多
2021-05-26
57 浏览
近年香港专食吉列牛嘅餐厅愈开愈多，当中唔少得呢间由台湾母公司开到嚟嘅京都胜牛🥰。如果去过铜锣湾分店嘅应该会知道，呢间餐厅隔离总会有一间食台湾菜嘅舖头，当然就系因为佢哋其实都嚟自同一个集团。喺将军澳呢度，呢个集团更加系独占成个 Monterey Place 嘅地库层，加上坐落喺Donki 下面，可以话系占尽地利优势。⭐️呢间餐厅门面的确就无咩特别，系好典型集团式餐厅嘅感觉，相比喺元朗同铜锣湾另外两间同样食吉列牛嘅小店，佢显然系少咗啲特色。话虽如此，排队等位条龙依然系非常之长，我同朋友最后等咗大概半个钟先至有位。不过好彩餐厅隔离都有间家品电器舖，可以一路睇煲一路等位。入到去餐厅第一个感觉系侍应好亲切，除咗好用心讲解食法，对答方式仲俾到你好开心嘅感觉。咁殷勤嘅服务态度真系有啲惊讶。另外值得一讲舖头入面大致上好干净，食都食得安心啲。霎花翼板牛排套餐🥩 ($168)呢度嘅饭🍚系任加嘅，套餐仲有汤同椰菜丝。所谓翼板其实就系指Flat Iron，肉质比较软同带筋，油脂分布亦唔错，咬落去嘅感觉比之前食嘅其他吉列牛明显肉质更好。炸皮亦唔会太油或者太厚，可以话系同个肉配合得好好。要留意嘅系呢度唔会主动俾个p
呢间餐厅门面的确就无咩特别，系好典型集团式餐厅嘅感觉，相比喺元朗同铜锣湾另外两间同样食吉列牛嘅小店，佢显然系少咗啲特色。话虽如此，排队等位条龙依然系非常之长，我同朋友最后等咗大概半个钟先至有位。不过好彩餐厅隔离都有间家品电器舖，可以一路睇煲一路等位。
入到去餐厅第一个感觉系侍应好亲切，除咗好用心讲解食法，对答方式仲俾到你好开心嘅感觉。咁殷勤嘅服务态度真系有啲惊讶。另外值得一讲舖头入面大致上好干净，食都食得安心啲。
霎花翼板牛排套餐🥩 ($168)
呢度嘅饭🍚系任加嘅，套餐仲有汤同椰菜丝。所谓翼板其实就系指Flat Iron，肉质比较软同带筋，油脂分布亦唔错，咬落去嘅感觉比之前食嘅其他吉列牛明显肉质更好。炸皮亦唔会太油或者太厚，可以话系同个肉配合得好好。要留意嘅系呢度唔会主动俾个pan你烧🔥，所以如果想烧一烧先食嘅朋友就记得要问佢攞喇。另外佢亦有好多酱汁俾你配个牛，我自己比较钟意原汁原味，反而系啲椰菜丝，我推介大家点个咖哩酱嚟食，会别有一番风味！
霎花翼板牛排套餐
$168
1 浏览
0 赞好
0 留言
红豆宇治冰抹茶🍵 ($32)
如果你叫佢嘅套餐，就可以用 $72 加杯 $36嘅饮品同一个甜品，所以我都要咗呢个组合，叫咗杯充满少女心嘅红豆抹茶😋。对唔系钟意太甜嘅我嚟讲，呢杯嘢饮甜度适中，杯底仲有好多红豆，好足料又好好饮。
红豆宇治冰抹茶
$32
0 浏览
0 赞好
0 留言
日本清酒豆腐雪糕🍦 ($58)
事不宜迟，介绍今次最有惊喜嘅一样嘢🤤。原价 $58嘅雪糕一客系有两球，跟餐价钱就可以参考番上面。原本只系想拣个甜品试下，点知可以咁好食！雪糕嘅清酒味清香得嚟浓度亦恰度好处，同行嘅女仔朋友唔钟意饮酒🍶都觉得好好味。虽然清酒味味觉上做咗主导，但食落依然可以食到淡淡嘅豆腐味，两球雪糕一下子就可以食唒！🤫
日本清酒豆腐雪糕
$58
1 浏览
1 赞好
0 留言
整体而言绝对系可以再嚟嘅餐厅，当普通价位嘅食物都有咁嘅水准，下次一定要试埋其他更好味嘅吉列牛套餐👍🏻👍🏻。
张贴
