吉豚屋吉列豬扒專門店

营业中

休息中

朋友推介呢间抵食吉列猪排定食，所以特登来食，虽然都好满座，但人流去得快，所以好快有位，不过座位都好窄好迫，如果带手袋或者太多野就要预返。不过真系大份抵食，见到连老人家都识食叫左吉猪定食。我地点左一份吉猪定食，一份超列三重奏定食，都加左饮品。吉列猪排定食 $75猪排120g 又大又厚身，炸得金黄香脆，而家炸皮够薄，咬落啖啖肉，猪扒嫩弹松化多肉汁，非常好味，沾猪排酱汁，微酸开胃消腻，配白饭一流。椰菜丝清新爽脆，加芝麻酱食，好味又解腻。味噌汤偏咸，但多料好味，萝卜清甜。饮品点左热柠檬蜜，唔太甜，反且够柠檬味，也可热。吉列三重奏定食 $85 ，加钱转乌冬有吉列炸虾、吉列猪柳、唐扬炸鸡，好丰富好大份。吉列虾的炸衣太厚，而且好油腻，虾肉也很少，但味道唔错，沾他他酱好滋味。吉列猪柳也原炸衣，猪柳薄薄无肉感，也太干太无味。唐扬炸鸡最好味，炸得香酥，鸡肉嫩弹湿润。乌冬太软腍太糊，酱油汤底也麻麻地，可能太清淡，唔夹浓味的炸物。