影片
更多
2016-05-25
1189 浏览
虽然小弟唔喺咩吉蒂粉丝，但亦唔抗拒依一主题餐厅，不过，老友夏总嘅太太就喺佢嘅多年死粉，幸而据我所知就唔喺疯狂𠮶只。再者，睇过啲食评，知道依度唔喺卖萌、卖可爱嘅地方，相约佢哋嚟当饮餐茶而已 。之前见啲食评话时刻都有长长人龙，唔知喺我哋好彩定嚟得早，虽然早已订咗枱，嚟到却又唔喺太多人，等5min就有张小圆枱。不过，星期日嘅午市，大部份时间都满座，一枱客接一枱客 ！因为喺卖中菜关系，所以，装修上都带有古色古香嘅格调，当然，吉蒂始终喺主角，所以，餐厅内周围都见到佢，杯杯碟碟、茶壶、餐枱面、吊灯、水墨挂画、墙身……，梗有一个（标志）晌左近 。平常晌餐厅左影右影，可能会有少少碍眼，不过，晌度就绝唔使担心，因为人人都会周围影。就好似近水吧位咁，更有一个小孩高度嘅吉蒂公仔，喺好多小朋友走埋去嘅影相位。餐牌似喺有两组，一组喺恒常嘅主餐牌，类别包括：Hello Kitty手工美点、精美甜品、炒粉饭面、小食、名厨小菜、海鲜及蔬菜类。顺带一提，茶介每位$12，另收加一。另一组应该喺久唔久会转变嘅限定餐牌，今次见到多种新款点心、复活节特色小食（但过咗复活节好耐，唔知依家仲有无）、最新小菜及饭类、新款甜品。
之前见啲食评话时刻都有长长人龙，唔知喺我哋好彩定嚟得早，虽然早已订咗枱，嚟到却又唔喺太多人，等5min就有张小圆枱。不过，星期日嘅午市，大部份时间都满座，一枱客接一枱客 ！
因为喺卖中菜关系，所以，装修上都带有古色古香嘅格调，当然，吉蒂始终喺主角，所以，餐厅内周围都见到佢，杯杯碟碟、茶壶、餐枱面、吊灯、水墨挂画、墙身……，梗有一个（标志）晌左近 。
平常晌餐厅左影右影，可能会有少少碍眼，不过，晌度就绝唔使担心，因为人人都会周围影。就好似近水吧位咁，更有一个小孩高度嘅吉蒂公仔，喺好多小朋友走埋去嘅影相位。
餐牌似喺有两组，一组喺恒常嘅主餐牌，类别包括：Hello Kitty手工美点、精美甜品、炒粉饭面、小食、名厨小菜、海鲜及蔬菜类。顺带一提，茶介每位$12，另收加一。
另一组应该喺久唔久会转变嘅限定餐牌，今次见到多种新款点心、复活节特色小食（但过咗复活节好耐，唔知依家仲有无）、最新小菜及饭类、新款甜品。
我哋嚟得依度食，都算喺贪得意，所以一般小炒就唔喺考虑之列，而主攻嘅喺揾吉蒂抛头露面嘅点心。一口气嗌咗6款点心，再加一客粉面饭，唔够先再加单 。
Hello Kitty 流沙包 $62 有无发觉流沙包跟菜肉包个外形好似呢？简直喺孖生一样，究竟佢哋点分而唔会拎错俾个客呢？我哋对照研究一下，分别在于流沙包只蝴蝶结多咗一点黄色。外形就做得够神似喇，但有无应有嘅流沙包水准先？哎开一口，虽然啲咸蛋黄吉士流沙馅唔喺话好澎湃，但亦都缓缓流出，包身软绵，可以收货。
Hello Kitty 虾饺皇 $68 因为要做成Hello Kitty样，所以，饺皮嘅收口晌底下，加上饺皮搓得有些微厚，口感差少少，幸而皮软唔黏牙，又塞满虾肉，又鲜甜弹牙；成笼虾饺皇只有一只做成「猫样」，其他3集就传统折法加只红色蝴蝶结而已。
Hello Kitty 千层糕 $68 热辣辣嘅千层糕上枱时几有蛋香，加上整件糕以「猫模」嚟做，保持着可爱度。糕身做得松软有回弹力，中间层咸蛋黄蓉引出咸香味，不过，要挑剔就肯定喺个名，因为只有两层，用上「千层」变得有点名不副实啫。
Hello Mimmy 菜苖饺 $62 初头点菜都无为意，硬喺觉得依个吉蒂好似怪怪哋，经提点佢唔喺吉蒂，而喺Hello Mimmy，即喺双胞胎嘅妹妹，怪唔得似得嚟又似唔晒咁啦！不过，佢身价要比家姐贵，因一客只得3件。馅心除有菜苗，少少猪肉外，仲混有鲜虾肉，所以，清爽而有菜香，好食 。
Hello Kitty 腊肠卷 $48 腊肠卷好耐无食过，时下亦唔喺间间酒楼都有做，加上晌餐牌见到个卖相好搞嘢，好似卷住棉被嘅吉蒂，所以，点一客试试效果。咬一口，卷身好软熟，啲腊肠唔肥，亦唔太瘦，油润「脂」味 。
Hello Kitty 菜肉包 $62 另一款做得最似模似样嘅包点，以上都分享过佢啲包点，整体的确唔错，而依个菜肉包则一般般，主因喺菜嘅份量少，猪肉较多，亦有唔少肥肉，感觉油腻咗少少。
Hello Kitty 瑶柱蛋白烩饭 $138 新菜式中有依一道「烩」饭，怪自己无留意个中文译名，查实喺瑶柱蛋白「炒」饭，配个粟米汁，所以，建议佢哋尽快改番叫炒饭好啲，避免有咩争议。而个炒饭本身都炒得几好，够爽身，内里有唔少蛋白，瑶柱丝就略为少啲，至于个「猫样」就勉勉强强啦 。
Hello Kitty芒果布甸 $58 本来喺点咗新甜品嘅双层椰汁红豆糕，不过，红豆糕部份食落似乎有啲问题，跟店员讲，二话不说即时更换，但我哋就改试芒果布甸。上层喺芒果啫喱夹杂果肉，下层喺芒果布甸，内里有唔少芒果肉，清甜好食；不过，啫喱面上嘅Hello Kitty朱古力就嚟得有啲唔衬，再者，$58一客布甸俾人有种抢抢哋钱嘅感觉 。
多款点心嘅卖相，确喺营造出吉蒂嘅可爱样，味道亦都不俗，不过，比坊间一般酒家嘅定价贵，可能，成本就喺晌个俏象权度。作为粉丝相信会继续支持，至于，餐厅能否吸纳更多非粉丝嘅客源，就要睇睇价钱有无一个下调嘅空间，以及食物能否保持晌一个高水平嘅质素。
张贴
