美心西餅 (深水埗站)

营业中

休息中

除咗老婆整咗两底素萝卜糕自用之外，今年食到嘅萝卜糕仲有嚟自美心及功夫点心，后者另文再讲，晌度先分享吓美心嘅「瑶柱萝卜糕」，喺表姨甥大量买入佢啲萝卜糕券再转手卖俾我哋一班亲戚，所以，平市面再平多少少 。打开包装，糕面铺有好多瑶柱丝、腊肠粒同虾米。切开后，见到一丝丝萝卜幼条，不过，切嘅时候，感觉质感比较削身，切起嚟较易散。而包装袋背后有教点煮，可以煎，亦可以原底蒸15分钟，因为原先已打算煎嚟食，所以一起手都已经切成一件件，不过，切咗就觉得蒸嘅效果会比较好啲。咪睇佢好似细细个，一个足有850g，即喺近两磅，煎出嚟有一大碟 。味道方面，其实都唔错，好有萝卜嘅清甜味，加上材料足，口感丰富，又有丝丝萝卜，口感更实在 。不过，晌拆开包装时，顺便睇睇有咩成份时，就略嫌有好多化学嘢或调味剂，大抵因为想保存得好啲，令质素稳定啲，但感觉始终都无咁天然！美心始终喺本港嘅一个大品牌，以往嘅出品都一向不俗，「美心」个名犹如吉星，不过，个人而言，今次个萝卜糕只属中规中矩，晌小弟心中，则未能高照。