影片
更多
2018-02-27
203 浏览
小妹食吉野家，通常都系匆匆食个快饭，医饱个肚就算，啲牛肉饭、鸡饭、野菜饭、三文鱼饭系咩味，我真系唔知，因为食快餐就系要快，话之佢咩味！不过原来吉野家都有值得慢慢叹嘅美食，自从佢推出高质鳗鱼饭之后，进入寒冷冬日，竟然推出「波士顿龙虾火锅」，实行食得招积，叹得高质。不过话晒系快餐出品，质素又如何？小妹试食完同大家汇报一下！话说小妹同朋友特登约埋去试食，个餐一到，小妹即刻心心眼，因为真系大大只波士顿龙虾喺眼前呀！仲要大过同长过只手掌，小妹即刻磨拳擦掌准备开餐。点知打开只龙虾一睇，竟然系冇橙色膏嘅，我忍唔住望吓隔离𠮶枱一家三口，佢哋都系嗌龙虾，但佢哋𠮶只有大大嚿橙色膏喺入面呀，小妹即刻面色一沉，觉得非常唔公平，不过咁又点？如果命运能选择… …呢啲就系命，所以嗌呢个火锅之前，要睇彩数，如果你好介意有冇膏，不如自己去超市买有膏嘅返屋企打边炉仲开心。好唔容易等啲汤滚，小妹就食住锅入面啲料先，有两只虾、几块「黄牙白」、两块鱼腐同一注金针菇，连冬菇都唔见咗，朋友𠮶锅就有大大只冬菇！比起大家乐嘅蔬菜盛盒真系有啲输蚀。小妹夹咗啲菜食，汤底味道冇大家讲嘅龙虾味浓，可能又系睇分店位置同彩数，但呢个价钱，食到少少
话说小妹同朋友特登约埋去试食，个餐一到，小妹即刻心心眼，因为真系大大只波士顿龙虾喺眼前呀！仲要大过同长过只手掌，小妹即刻磨拳擦掌准备开餐。点知打开只龙虾一睇，竟然系冇橙色膏嘅，我忍唔住望吓隔离𠮶枱一家三口，佢哋都系嗌龙虾，但佢哋𠮶只有大大嚿橙色膏喺入面呀，小妹即刻面色一沉，觉得非常唔公平，不过咁又点？如果命运能选择… …呢啲就系命，所以嗌呢个火锅之前，要睇彩数，如果你好介意有冇膏，不如自己去超市买有膏嘅返屋企打边炉仲开心。
好唔容易等啲汤滚，小妹就食住锅入面啲料先，有两只虾、几块「黄牙白」、两块鱼腐同一注金针菇，连冬菇都唔见咗，朋友𠮶锅就有大大只冬菇！比起大家乐嘅蔬菜盛盒真系有啲输蚀。小妹夹咗啲菜食，汤底味道冇大家讲嘅龙虾味浓，可能又系睇分店位置同彩数，但呢个价钱，食到少少龙虾味，都算OK，之后小妹就想碌龙虾，但系我即刻停咗一停，心谂：个龙虾钳咁硬，佢又冇预先敲碎啲壳，又冇畀拆壳钳我，唔通我要用牙咬？于是我就同朋友睇吓隔离一家三口点样食，唔通人哋有钳，而我哋冇？始终系咁搜寻人哋张枱好唔礼貌。
「咔嚓」
突然，听到隔离劲大声，原来个爸爸真系勇到用牙咬，坚系令我大开眼界！我即刻耍手拎头冲去攞餐部问佢有冇钳借畀我（纯粹搏一搏），点知店员用亲切嘅笑容同我讲：「有呀！」然后就将个拆壳钳递畀我，我差啲感动到想喊，我啲牙唔使牺牲喇… …当我攞住个钳返埋位嘅时候，个一家三口已经KO晒成只龙虾，但见到我攞住只钳，个爸爸坚系呆咗，对唔住呀，我赶唔切帮你… …不过我相信有好多人都唔知吉野家有钳借畀大家，所以全部都系用牙咬，所以小妹一知道，就即刻PO文话畀大家知！
至于龙虾嘅味道，咪就系同一般嘅雪藏龙虾一样，所以都OK嘅！不过值得一赞嘅系，小妹嗌咗公仔面打边炉，出到嚟系成包出前一丁咁上，最后小妹食唔晒，成包公仔面攞咗番屋企，唔使做大嘥鬼！
张贴
