四寶食堂 (已搬遷) 新店位置

環境幾迫下，而且基本上一個人去一定要搭檯，因為餐廳太細，仲要係迫係同一張唔係好夠位嘅檯，食野黎講我最怕去呢種餐廳，隔離位稍為傾過黎已經食得唔舒服。環境窄、唔好坐對間餐廳黎講幾致命，因為香港人居住環境已經細，食野個種想闊落啲係正常嘅。試食當日嗌嘅下午茶餐等左三個字，仲話係即炸豬排，但食落唔脆唔香口，等三四個字完全唔值。 🍞食物方面🍞【雜綿蛋包飯】當日賣哂招牌蛋包飯，試下雜綿，味道唔錯，上面嘅蝦有點綴到。【炸豬排肉醬意粉+炸豬仔包】炸豬排劣，淨係覺得食緊炸粉，唔香，仲要唔係好脆。肉醬意粉普通，但我食左一兩啖肉醬已經唔想食。炸豬仔包稍為好啲，起碼食落脆嘅。