清玉 (已搬遷) 新店位置

今日同男朋友讲起喺台湾饮过清玉个铁观音奶茶好好饮，所以就决定试下香港既。今次叫左杯珍珠铁观音奶茶，微糖走冰，$24。珍珠系细珍珠，但我地都钟意大珍珠多啲，不过细珍珠黎讲都黎有咬口，但有咬口到feel到佢应该落左好多添加剂，不过饮得呢啲都预左啦…但我无预到佢个茶味同台湾饮差咁远，第一啖饮落去都ok，但之后觉得有阵苦味，而且都无左台湾饮𠮶只茶香，有啲失望。不过廿几蚊咁大杯又唔算好差既，只系有期望落差，以为佢会做得好啲。如果再饮我觉得叫铁观音鲜奶茶可能会好啲，但有咁多其他选择黎讲我应该短期内都唔会再试架啦。