薩莉亞意式餐廳 (Go Go Mall)

营业中

休息中

今日黎到屯门雅都商场，好耐无食过萨莉亚，所以今晚就决定食呢间餐厅。一黎到要即刻排队拎飞，呢间萨莉亚系呢度商场非常受欢迎，我地3个人拎完飞都要等左30分钟先可以入座。一坐低就可以坐张4人台，比较松动，呢度系自助免费冻水或者热水， 如果想饮有气饮品，就可以加$13任饮。餐牌都有好多选择，而且重点系好平，我地一口气点左8-9样菜式。首先上台系周打海鲜汤，味道都唔错。8只辣味鸡翼，好够味，而且系岩岩烤起。鸡肉多利亚，味道麻麻地，因为食落去个汁酸酸地。墨鱼汁意大利粉，味道唔错，不过食到成个口都系墨汁。