一鼎‧台式火鍋 (MOSTown新港城中心(4期))

营业中

休息中

我成日系马鞍山出没，之前听讲新港城中心开咗间任食放题嘅台式火锅店。周末喺屋企又唔知食咩午餐，就约埋朋友去试吓。餐厅空间好阔落，环境都好干净，啲食材睇落好新鲜。我同朋友各点咗一煲，90分钟任食，两个人都系＄500到。朋友钟意食辣，就拣咗【红烧火牛】汤底，而我自己就拣咗【QQ骨胶原】。【红烧火牛】食落咸香带啲辣，好惹味。将啲食材放入去煮，汤味好快就渗透入啲食材入面，鲜香无比。【QQ骨胶原】有阵好鲜甜浓烈嘅猪骨汤味，而且入面加咗葱嚟提鲜，捞埋一齐好好饮。佢哋嘅一鼎壳饲牛肉片仲好贴心咁放咗提示12秒-15秒即食，煮出嚟嘅牛肉唔会太韧，好滑嫩。个人认为呢度嘅价钱公道，物超所值，食材新鲜，最紧要系好食又食得饱。带屋企人朋友嚟绝对系一个好好嘅聚餐地点。