影片
更多
2018-06-18
462 浏览
父亲节又到了！爹地想食泰国菜，之前有朋友推荐金兰花，话佢个咖喱法包好正，就决定一试当日收工即刻去九龙城，差唔到五点三就到餐厅(因为冇book到位，所以早啲去)一入到餐厅，得一台客，但老板娘就话父亲节做两轮，分别系六点同八点，如果我地要食既话，六点就要交台，虽然好似要食得好快咁、唔可以好好地享受，但系一场黎到，又系父亲节，周街都会系咁既是情况，就决定坐低食啦～拿拿临落完order，都等左十至十五分钟，第一道菜先上到。第一道菜系糯米鸡翼，鸡翼皮炸到微黑，食落唔冇想像中脆，但一咬即开，入面系糯米饭，整体味道唔会太咸，点埋个泰式甜酸酱更加好食。少食炸野既我咬左一啖，觉得唔难食亦唔会特别惊艳，但中意食炸野既爹地就话系全餐饭最好食既泰式烧鲗鱼，哩道菜卖相好难好睇嫁啦！之前系另外一间泰国餐厅食过都几好食，心谂应该会有内涵既。可惜‥‥鱼唔大条，可以食到既肉较少肉质烧得太干，唔够juicy同肥美，夹果阵仲会出现散肉既情况，但又未至于梅肉，介乎新鲜同唔新鲜之间鱼肉味道唔够鲜，冇咩鱼味鱼皮因为用大量盐yip过，系食唔到既整体黎讲，好一般，可以唔试(之前食过果间做法一样但肉质仲可以保持鲜嫩嫁)泰式烧牛仔骨，睇
当日收工即刻去九龙城，差唔到五点三就到餐厅(因为冇book到位，所以早啲去)
一入到餐厅，得一台客，但老板娘就话父亲节做两轮，分别系六点同八点，如果我地要食既话，六点就要交台，
虽然好似要食得好快咁、唔可以好好地享受，但系一场黎到，又系父亲节，周街都会系咁既是情况，就决定坐低食啦～
拿拿临落完order，都等左十至十五分钟，第一道菜先上到。
糯米鸡翼
$70
31 浏览
0 赞好
0 留言
第一道菜系糯米鸡翼，鸡翼皮炸到微黑，食落唔冇想像中脆，但一咬即开，入面系糯米饭，整体味道唔会太咸，点埋个泰式甜酸酱更加好食。
少食炸野既我咬左一啖，觉得唔难食亦唔会特别惊艳，但中意食炸野既爹地就话系全餐饭最好食既
泰式烧鲗鱼
$128
25 浏览
0 赞好
0 留言
泰式烧鲗鱼，哩道菜卖相好难好睇嫁啦！之前系另外一间泰国餐厅食过都几好食，心谂应该会有内涵既。可惜‥‥
鱼唔大条，可以食到既肉较少
肉质烧得太干，唔够juicy同肥美，夹果阵仲会出现散肉既情况，但又未至于梅肉，介乎新鲜同唔新鲜之间
鱼肉味道唔够鲜，冇咩鱼味
鱼皮因为用大量盐yip过，系食唔到既
整体黎讲，好一般，可以唔试
(之前食过果间做法一样但肉质仲可以保持鲜嫩嫁)
泰式烧牛仔骨
$98
11 浏览
0 赞好
0 留言
泰式烧牛仔骨，睇食评见唔少人都有order，就即管试下。
单睇卖相牛仔骨好瘦、冇咩肥膏，我钟意但食落就吓你一跳
肉超级韧！要大力咬、撕扯先整得开
牛味唔太出，不过肉唔太咸，食落都唔会超油
好普通既一道菜，虽然都有成八块咁多，但味道同价钱唔成正比，性价比算低
大圆法包咖喱鸡
$128
40 浏览
0 赞好
0 留言
大圆法包咖喱鸡超大个，好澎湃一开始仲以为会食唔晒添
法包外皮好脆，但入面既包松软，点埋咖喱汁食，正（其实我成日都觉得只要个咖喱整得唔油同唔太重椰奶味，配咩都可以好食><）
法包入面有个小型椰子壳，装住啲新鲜椰子肉、小量鸡肉、菠萝同咖喱汁
咖喱方面，因为用左椰子肉去整，食得出淡淡既椰子香，增加左咖喱既层次
咖喱味道唔辣，偏甜既果种，系香港人食到既口味
配料方面，椰子肉新鲜、好嫩；鸡肉份量小，体积细，唔能够仔细品尝，肉质感觉上几嫩滑，冇肥膏
整体味道唔算太重口味，但其实谂真啲，份量都唔多，法包虽然好大个，但无论配料定咖喱大部份都系用入面放左既果个小型椰子壳装住，所以份量唔多，性价比唔高。
不过，哩道菜系我心目中都算系哩餐饭既第一或第二位啦
小金瓜 咖喱海鲜
$128
17 浏览
0 赞好
0 留言
小金瓜 咖喱海鲜，卖相几吸引㖞！
本身话要等成半个钟，我唔敢落order，后尾话十五分钟就得，好彩叫埋姐！
咖喱味道同法包果种唔同，哩个多左椰奶既味道，但都系唔辣既口味，淡淡既咖喱汁，我特登叫左碗白饭捞汁食添
虽然好肥，但捞左汁既白饭好滑好食呀！
配料方面，入面有两粒青口、两只虾、几块鲜鱿、少量豆角、茄子、菠萝
青口我无食到，好唔好食就唔知啦，但都几大粒
虾肉质唔弹牙，但都未去到梅既，勉强算新鲜，接受到。不过，虾较细只
鲜鱿份量相比前两样就多少少，食落弹牙，但唔会韧到咬唔到，唔错既
豆角仲保持到小小爽口，但唔入味
茄子唔够淋，同样唔入味
南瓜唔差㖞！南瓜肉好粉，好食！
哩道菜都唔差既，虽然唔会觉得好好食，但都算某啲位做到有惊喜，收货。
整体表现中规中矩，无想像中咁好食，未系我食过最难食既一间，但又未至于最好食。不过，哩间餐厅既野食口味较清淡，几啱我既。
野食无论炸定烧，都唔会太过油腻
咖喱都好少油，唔会好似我之前食过一间咁，面头浮住一层油咁可怕，哩到值得一赞
再试就未必啦，应该仲会有更多较好既选择～
最近觅食都未食到过一间系好满意既，系香港餐厅质素差左、定我期望太高又或者系对食物既要求高左呢
张贴
