京都勝牛 (MONTEREY Place) (已結業)

太耐冇去旅行所以一见到呢间竟然系将军澳开咗，即刻要试下，当去返个short trip。食物质素同埋服务真系完全拍得住日本既水准!京都胜牛三味套餐呢个餐有酱味薄牛、菲力牛同埋翼板牛。牛肉味好浓而且肉质够鲜嫩，炸完之后仲系红红地色既肉淋得嚟又冇筋，完全唔需要再用铁板煎熟少少，可以睇得出个师傅功力真系十足! 当然现场都有唔少人用铁板，相信系完全唔同风味，生熟完全可以自己掌握哂! 另外仲有可以refill既燕麦饭、面豉汤同埋椰菜丝沙律。个饭加咗燕麦食落口感丰富而且够哂热辣辣，面豉汤就正正常常。椰菜丝沙律加上柚子汁其实都好开胃，尤其食完炸野后可以清一清口腔，完全同日本一模一样!特选海产套餐有成只手掌咁大既虾、广岛蚝同埋鳗鱼。呢个真系好抵食，因为食材好新鲜而且又系炸得岩岩好，保留到食物鲜味又有炸浆既惹味口感。虾肉好嫩好爽口，就咁食基本上都好有鲜味!蚝系用咗广岛蚝所以味道好突出而且亦都够嫩滑! 鳗鱼第一次咁样食，鱼肉亦都保留到juicy既口感又有鱼既鲜味!另外仲嗌咗蓝柑荔枝特饮同埋日式柚子茶，两款都好足料绝对唔系就咁加糖水，特别系个特饮荔枝味浓而且清甜!最后仲有个抹茶红豆心太软，抹茶味真系好浓郁又唔