篤篤車 (已搬遷) 新店位置

上星期横风横雨，但系因为呢个「笃笃车」嘅新字头系新界杀出一条血路，所以就算两父子变落汤鸡，都要坐小巴入元朗去试一试呢个泰式车仔面。我点左冬阴公小辣汤底河，配鸡翼，萝卜，响铃同辣猪皮。父皇点左鳄鱼骨中辣汤底粗，配萝卜，牛柏叶，金钱肚。一黎就当然要试试佢个汤底，鳄鱼骨汤非常足料，而且唔会好腥，甜甜地，非常特别！一试就后悔自己无点鳄鱼骨汤😅 冬阴公汤就咸左少少，不过好欣赏佢唔系椰奶味重嘅冬阴公，而系辣味重的清冬阴，好惹味！我同父皇都一致认同萝卜好好食，父皇话食得出萝卜无浸过糖水，天然甜同无渣！辣猪皮爽口弹牙，鸡翼亦非常滑同入味！想特别推一推嘅系呢个炸鱼皮配自家制清新酱。鱼皮炸得好脆口但系完全唔油腻，浸一浸下d汤，超正。不过份量就少左d。要同父皇斗快夹🤣 下次黎嘅时候，要一人一份炸鱼皮！一定要赞嘅地方系你食完之后系完全唔会觉得口渴，真材实料，无落味精，呢个fusion fuse 得靓！就连平时食野特别有要求嘅父皇都一d微言都无！