味‧壽司 (已結業)

呢条街有几间寿司店都试过，唯独呢间最有口碑既未试过，原来真系名不虚傅。剑鱼腩寿司 ($22)：剑鱼腩 size 细，口感唔会太肥腻。鲜带子寿司 ($22)：带子肉厚又唔腥。蟹亲子寿司 ($25)：蟹糕香浓，好似食紧只蟹甘。赤虾寿司 ($13)：虾肉弹牙新鲜。马刀贝寿司 ($13)：马刀贝新鲜爽口。芥辣八爪鱼寿司 ($13)：芥辣味重，好刺激啊。海胆寿司 ($35)：普通海胆无货，用既系贵d既马粪海胆，味道鲜甜，份量也足够，好好味。海胆鱼籽寿司 ($28)：寿司用青瓜薄片包住，食落好 fresh，又唔会好似紫菜般易淰。胡麻豆腐沙律 ($28)：豆腐又滑又冰冻，胡麻沙律酱好香。鸡软骨唐扬 ($22)：鸡软骨炸得香脆，外皮既炸粉香口。盐烧青鱼 ($40)：青鱼烧得皮脆肉嫩多汁，十分鲜味。芝士蟹籽寿司 ($13)：芝士味很香浓好好味。龙虾沙律寿司 ($13)：龙虾肉细细件，食唔出味道。三文鱼寿司 ($10) 吞拿鱼沙律寿司 ($10)：普普通通。海胆酱烧墨鱼寿司 ($16)：无海胆味，麻麻地。中华沙律 ($13)：沙律淰身唔够爽，又唔够冻。蒜味螺肉 ($13)：蒜味够，但螺肉不够冻及肉质硬身。