本家韓國料理

营业中

休息中

钟意食酱油蟹🦀嘅你哋应该都有听过位于尖沙咀楼上铺嘅本家韩国餐厅 🇰🇷佢嘅推介⭐️程度喺网上面都睇到好多朋友仔分享过 而我妈妈因为自从我带过佢喺韩国食过一次酱油蟹🦀之后佢就爱上咗啦 所以今次就带佢去试食怀缅一下去旅行嘅日子🤓🤓酱油蟹🦀🦀肉质非常之新鲜 食落口系鲜甜多汁 另外如果点酱油蟹佢会另外跟埋饭同紫菜 阿猪妈会先俾你打卡然之后佢就会好好咁样帮你将啲酱油蟹汁同埋蟹膏捞白饭同埋紫菜再放落个蟹盖俾我哋食 𠮶啖饭真系食多几啖都唔够呀 🤤👍🏻👍🏻👍🏻酱油虾🦞我哋都试咗一份 虾肉都系爽口鲜甜 真系好似平时食生虾刺身咁样😋呢度嘅服务真系好好我哋叫咗烤肉 🥩阿猪妈会好细心咁样帮我哋烹调同埋剪开一粒粒分俾我哋食 😚不得不提嘅就系佢会送一大堆嘅开胃小菜俾我哋食食𠮶啲基本上都饱咗几成 😆而我最钟意就系佢个麻油拌菠菜真系好好食㗎🫶🏻👏🏻