影片
更多
2012-05-05
70 浏览
酒店好新, 餐厅设计好特别, 好有特色, 尤其系 buffet 台的设计和摆位, 美观之余亦好 practical, 有助分流, 唔会排晒长龙. 虽然人多, 台与台之间有D迫, 但天花的木条设计令声音唔会反弹, 所以唔会好嘈. 食物种类超多, 全部都好合心水, 有好多特色食品, 又有大量贵价食物, 冷热盘甜品卖相都好靓, 令人好兴奋, 好吸引. 自选沙律配料多, 有好多进口贵价蔬菜, Mixed Salad种类都几特别, 意式番茄伴水牛芝士D番茄红红大大, 用料好靓又新鲜, 唔系一般普通货色. 芝士款式多, presentation好靓. Parma Ham 大大块, 好味. 刺身有七款咁多, 带子好大只, 厚肉又鲜甜, 甜虾同鱿鱼都好掂, 唔会一堆堆放晒出黎, 整左七小碟 display, 由厨师系另一个雪柜拎出黎切, 卫生之余又企理. 生蚝系 US Rock, 即叫即开, 分左右两条队, 唔洗排长龙, D蚝好鲜甜. 龙虾好大只, 好多膏. 冷盘海鲜有蟹脚, 青口, 大虾, 翡翠螺等等, 全部都好高质素. 热盘海鲜都有唔少, 中式炒虾碌好够镬气. 热盘阵容非常强劲. 大部份都好好味
食物种类超多, 全部都好合心水, 有好多特色食品, 又有大量贵价食物, 冷热盘甜品卖相都好靓, 令人好兴奋, 好吸引.
自选沙律配料多, 有好多进口贵价蔬菜, Mixed Salad种类都几特别, 意式番茄伴水牛芝士D番茄红红大大, 用料好靓又新鲜, 唔系一般普通货色. 芝士款式多, presentation好靓. Parma Ham 大大块, 好味. 刺身有七款咁多, 带子好大只, 厚肉又鲜甜, 甜虾同鱿鱼都好掂, 唔会一堆堆放晒出黎, 整左七小碟 display, 由厨师系另一个雪柜拎出黎切, 卫生之余又企理.
生蚝系 US Rock, 即叫即开, 分左右两条队, 唔洗排长龙, D蚝好鲜甜. 龙虾好大只, 好多膏. 冷盘海鲜有蟹脚, 青口, 大虾, 翡翠螺等等, 全部都好高质素. 热盘海鲜都有唔少, 中式炒虾碌好够镬气.
热盘阵容非常强劲. 大部份都好好味, 最令人振奋系新加坡叻沙 (汤底好浓, 好足料, 够正宗), 蟹粥 (好鲜甜, 粥底棉, 有蟹膏), 椰子炖鸡汤 (唔会稀流流, 细细盅, 好饮), 海南鸡饭 (鸡滑饭香), 仲有buffet好少会有的黑松露野菌汤. 东南亚美食亦出色, 烧猪颈肉, 鱼饼, 虾饼, 咖喱, 炸虾片, 韩式烧牛仔骨, 德国咸猪手, Pizza睇住系新鲜出炉, 全部都好好食. 连好难做得好味的烧烤鱿鱼都一样好掂.
甜品 counter display 好靓, 后面放满一篮篮面包, 摆设好特别, 好有气势, 质素不俗, 苹果卷好出色, 绿茶朱古力蛋糕食得出师傅用心做, 用料靓, 制作认真. 芒果芝士蛋糕有好清香的芒果味, so refreshing. 蝴蝶酥松化脆酥.
张贴
