名館 (黃埔天地) (已結業)

名馆喺黄埔蔡澜美食坊入面， 地点方便就脚地铁一出就到非常易揾。 餐厅都算几大可以容纳好多人， 有卡位亦都有长枱， 无论少人同多人都顾及得到。 餐厅装修典雅， 但系小菜价钱围起上嚟又不算太贵， 而且款式选择丰富 ，每人100蚊上下就可以落到楼， 所以今晚就拣咗呢间餐厅啦。虾球蟹子银丝煲望落去款式虽然好似好简单, 但系要粉丝炒得干身 而又惹味， 呢D功夫一啲都唔可以睇小。 仲有值得一提嘅系，虾球弹牙爽口， 系d粉丝入面仲揾到好多虾子同埋蟹子， 都几足料㗎。榄角肉松蒸秋葵秋葵我系屋企通常都系白烚或者炒多， 今次用榄角呢蒸都系第一次试， 榄角咸咸香香，加埋蒸过嘅秋葵唔使过多调味料已经好好食。胡麻酱鸡丝粉皮青瓜鸡丝同埋粉皮本身都系一啲淡口味类别的食物， 但系加咗幼滑的胡麻酱， 令到食物 的味道同口感都提升咗层次。 而且系夏天食这道凉爽嘅菜， 开胃清新。手工葱油饼葱油饼整得大大件， 面头炸得金黄， 虽然呢度啲葱油饼唔系整得薄薄松脆𠮶一款， 有啲似 中式包点𠮶种质地， 而且入面葱嘅份量都好多， 都几好食。