La Famille (已結業)

呢一间戚风蛋糕甜品店可以喺好多地方都揾到，价钱唔贵，蛋糕虽然细细件，但系啱晒两个人一齐share！今日叫咗一个杂莓味（本身真系好想试朱古力，不过去到已经售罄），就咁讲个外型，都几精致。先讲一讲佢嘅戚风蛋糕，我觉得要先摆喺室温一段时间再食，个蛋糕底会再松软啲，同时间个蛋糕嘅味道好淡，无咩莓味。然后到蛋糕嘅内在部份，都有少少失望，因为无馅，只靠小小cream去为个蛋糕调味。另外面头嘅水果就更加好睇唔好食了。虽然都有好多人比好评，但我觉得真系名大于实～但佢胜在好多味道，睇吓有冇机会试吓其他味道再品评一下啦。