創發潮州飯店

营业中

休息中

做咗几拾年人，潮洲菜，打冷𩠌都食吾少，但潮洲翅就从来未食过，为圆心愿，12月16日，同靓妈专诚到九龙城，呢间名气食潮洲菜老店，一试潮洲翅是甚么味道，因靓妈在公司团年饭局，巳食过多次潮洲翅，所以今晚就点了，鸡炖翅，及潮洲红烧翅各一客，先讲靓妈个鸡炖翅，味道系Ok嘅，翅嘅份量及配料亦对得住所收嘅价钱，但我个潮洲红烧翅就不敢恭维，根本就系一碗豆粉羹，翅针可以数到有几多条，味道咸到食完要洗肾，街边D碗仔翅好食过佢九倍，呢个收$230嘅红烧翅，我就话$23都吾值，至于当晚所点其他菜色，个九菜花炒吊桶，和卤水鹅片味道都可以,个炒鱼面就平平无奇，总结此店出品，绝对同此店名气不成比例，唯一可取，就系此店侍应姐姐，对客有礼，工作勤快，斟茶换水，换碟效率甚高，所以此店系卖服务，吾系卖味道。