影片
更多
2023-09-05
1690 浏览
一直有听闻呢度系好酒好蔡老板嘅兄弟，主理嘅平民版，好蔡馆，打完8号风球之后特登过嚟撞吓彩数，睇吓有冇位，果然Walk in，就有位啦！原本充满期待嘅一餐，但系最后比侍应搞到一肚气！首先建议大家多人会可以叫到多啲嘢食，因为我哋两个人第一次嚟，所以想问吓侍应有咩推介？点知侍应就话： 系呀，你哋两个人系食唔到啲乜嘢㗎啦，食蚬啦。然后我哋问佢卤水系咪有拼盘嫁，侍应竟然答我哋，拼盘咪自己拼啰，原来即系叫我哋每样单点咁拼返起嚟！😅😂其实如果冇可以直接答冇，今时今日咁嘅服务态度真系唔系好得！中肯啲，讲番野食我哋叫咗花甲$198 （细）同埋卤水鹅肝 $88个花甲都算新鲜同埋整得好靓，但系味道来讲其实绝对系屋企都整到，纯粹系加咗啲豉油鱼露同埋浙江香醋，洒上芫荽同埋香葱，食过一次就算！反而个卤水鹅肝做得好好，鹅肝非常之鲜嫩，而且卤水入味，卤水味好浓郁，但系又唔会太咸，差啲想再叫多份然后我哋又叫咗蚝饼$ 138同埋卤水鹅片$268蚝饼就不过不失啦，同所有去潮州舖头食嘅蚝饼都系差唔多卤水鹅片嘅份量都几大，但系啲鹅片就唔会话好嫩滑，正常发挥另外我哋仲叫咗一个比较特别嘅炖汤咸柠檬鸭肉汤$38味道好特别,估唔到咸柠
原本充满期待嘅一餐，但系最后比侍应搞到一肚气！
首先建议大家多人会可以叫到多啲嘢食，因为我哋两个人第一次嚟，所以想问吓侍应有咩推介？点知侍应就话： 系呀，你哋两个人系食唔到啲乜嘢㗎啦，食蚬啦。
然后我哋问佢卤水系咪有拼盘嫁，侍应竟然答我哋，拼盘咪自己拼啰，原来即系叫我哋每样单点咁拼返起嚟！😅😂
其实如果冇可以直接答冇，今时今日咁嘅服务态度真系唔系好得！
中肯啲，讲番野食
我哋叫咗花甲$198 （细）
同埋卤水鹅肝 $88
个花甲都算新鲜同埋整得好靓，但系味道来讲其实绝对系屋企都整到，纯粹系加咗啲豉油鱼露同埋浙江香醋，洒上芫荽同埋香葱，食过一次就算！
反而个卤水鹅肝做得好好，鹅肝非常之鲜嫩，而且卤水入味，卤水味好浓郁，但系又唔会太咸，差啲想再叫多份
然后我哋又叫咗蚝饼$ 138
同埋卤水鹅片$268
蚝饼就不过不失啦，同所有去潮州舖头食嘅蚝饼都系差唔多
卤水鹅片嘅份量都几大，但系啲鹅片就唔会话好嫩滑，正常发挥
另外我哋仲叫咗一个比较特别嘅炖汤
咸柠檬鸭肉汤$38
味道好特别,估唔到咸柠檬同鸭肉都几衬.饮落去几润喉
潮州蚝仔泡饭$88
值得一赞嘅系啲蚝仔好饱满同埋新鲜，啲碗泡饭都份量好大够四个人share。
最后两个人埋单都食咗$900
$900喺香港嚟讲真系不足为奇，但系我冇预计到自己要受到好似茶餐厅咁嘅对待。
见到小红书有好多人推介呢间餐厅，都有几个内地人嚟食，但系如果继续维持咁嘅服务态度，就算嘢食几好食都好，我都唔会再去帮衬！
张贴
