馬六

营业中

休息中

经过土瓜湾，发现开左间新餐厅，店入面装修好有风格，干净企理，环境舒适。我地系两点几去食，仲可以叫一个午餐同下午茶。因为友人好肚饿又想食汤粉，所以拣左非轻量级份量嘅午餐。叫左老街冬菇鸡丝汤金边粉，用怀旧公鸡碗上菜，有好香嘅冬菇丝及黄油鸡丝，汤底配上鲜鸡汤，有好浓嘅鸡味，令人想一饮再饮，别有一番风味！我就拣左下午茶餐，见到有好靓嘅紫蓝色饭，原来系沙巴烧鸡配碟豆花椰酱饭。一上枱原来都几大份，有花生及小鱼干作伴菜，仲有好大只鸡脾呀🤤 一咬开满满嘅肉汁，鸡肉有阵阵嘅香料味，鲜嫩多汁，配上烟韧嘅紫蓝色椰酱饭，有视觉同味觉嘅享受，超级满足！我地仲叫左一份小食，狮城虾春卷，春卷好脆口，入面配上虾胶粉丝，但虾味唔算好浓。餐饮方面，我叫左古仔路椰青沙冰，原个椰青上枱好吸睛，有淡淡嘅椰青味，而朋友就叫左杯桔仔柠檬茶，解渴一流。呢间几有质素，份量又大份，价钱唔太贵，几抵食，下次黎开附近会再帮衬。