養心殿台式養生鍋 (已搬遷) 新店位置

呢日同左成大班朋友去咗养心殿食饭庆祝生日，我都系第一次食台式火锅，所以本身都好期待！早一个星期我哋就已经book咗位啦，上到去佢都俾咗张大枱我哋，但系位置就坐得比较挤迫，而且个环境都好似唔系咁干净咁，不过我见网上啲人讲到咁好味就算啦。𠮶日我哋嗌左个桃胶美人锅，其实个汤底嘅味道就唔错嘅，不过逐样续约配料咁嗌，价钱其实相当之贵。例如一碟手打嘅院都要成80几蚊，但数量可能只有八粒咁样。最贵嘅一定系佢嘅菜，70几蚊只系得半棵菜左右，我觉得真系相当之唔抵呀。讲返味道方面啦，见咁多人比好评佢以为会好好味，可能因为期望太高啦，食落我又唔觉得有咩咁好味，但系性价比来讲我就觉得一啲都唔抵啦，我会宁愿系屋企自己买材料打边炉。𠮶日其实我哋都唔算食咗好多嘢，但系买单时每人都要三百几蚊，我谂都冇下次了。