林昌記 (已結業)

喺呢度写食评，搜寻林昌记个名时候，先知道原来林昌记已经有好多分店， 估唔到买鱼蛋都可以开咁多分店发达😂😂Poly 行过来是一分钟距离，所以其实之前都帮衬过，不过今日有机会同一个外籍学生来扫街， 一于食多次。细细间舖虽然最出名系鱼蛋，其实都有海鲜炸饺子同埋烧卖， 不过都系食番拿手嘢啦。攞上手觉得鱼蛋比我想像中细粒， 咖哩汁都唔系咁浓， 系闻到几香嘅咖哩味，但食落就冇乜特别， 同我期望嘅驰名咖哩鱼蛋有一段距离...至于鱼蛋本身嘅质地都唔错嘅， 的确几弹牙， 而且几有鱼味， 食得出系真材实料，唔系求其斋用面粉搓成， 算系回番本啦... 讲到尾如果我唔系同个外籍学生一齐，我谂我自己唔会帮衬啦😂