青花亭 (已結業)

依间餐厅系我朋友一路都想试好耐，今日难得嚟到太子就谂住去帮衬吓，顺便支持黄店，结果极不愉快！去定唔去大家自己谂清楚⋯我同朋友 walk-in，到达餐厅门口时表示我哋想等位食晚餐。店员指需要执枱，请我哋等一阵。我哋原本都担心佢无俾 number，但见都无咩人等位就无追问啦。点知转个头，有另一对情侣入去问，另一位店员就安排佢哋两个直接入去坐😅我同朋友就觉得好无奈啦，因为系我哋嚟先，于是就揾店员问清楚。点知另一位店员竟然话楼上有好多位，就带咗我哋上楼上坐😅😅😅 咁点解一开始唔安排我哋去楼上呢？后尾店员就安排左我哋上楼上，咁我哋都谂住照食，支持吓。但佢俾咗餐牌我哋之后就自己落咗楼，等咗10分钟都唔见有人上嚟落 order 😅 之前睇食评见到有人话book咗位12点食，但到12:15间舖都未开。真系觉得依间餐厅嘅服务态度好有问题。