影片
更多
2016-07-18
2799 浏览
成日想揾间正宗韩国烤肉食，韩文老师推介呢间，但可能期望愈大，失望愈大啦。完全无想像中咁好味，只系好普通、好普通的烤肉，更加莫讲呢个价钱，感觉唔值，可以有更好选择。打去订位，起初话full到9点先有位，后来有人cancel booking，所以可以8点入座。不过眼见都唔系好full，只系得六成入座。一入到去餐厅，好大烟，空气唔太流通，好焗。餐厅安排左我地坐雪柜侧边果2个位，其实好热，炉都未开，已经出哂汗，加上雪柜散发的热力，真系坐得好唔舒服。经理仲要用一只手指指住个位：「坐呢度！」其实对客人不用呼喝，这不是指令，反而用手掌示意方向会礼貌一点，始终这间韩烧店不是走低档路线，应注意一下对客人的态度。好啦，同个经理讲想调位，佢又好似好唔愿意，话到到都一样，话我地附近部冷气熄左，刚开番。我地话想坐出少少，经理话果张抬大点，可以坐6个人，但其实都系同样只系放左4张椅子，分别又何在呢？咁难得约到出黎食饭，都想坐得好d，食得舒服点。搅到我地好似再三挨佢咁，讲左劲多句唔该，先同我地换另一张抬。点知后来发现原本想坐果张抬，都系得2个人坐，唔明点解当初唔换俾我地。我明当时餐厅可能要预留之后入座突然黎6个人咁
打去订位，起初话full到9点先有位，后来有人cancel booking，所以可以8点入座。不过眼见都唔系好full，只系得六成入座。
一入到去餐厅，好大烟，空气唔太流通，好焗。餐厅安排左我地坐雪柜侧边果2个位，其实好热，炉都未开，已经出哂汗，加上雪柜散发的热力，真系坐得好唔舒服。经理仲要用一只手指指住个位：「坐呢度！」其实对客人不用呼喝，这不是指令，反而用手掌示意方向会礼貌一点，始终这间韩烧店不是走低档路线，应注意一下对客人的态度。
好啦，同个经理讲想调位，佢又好似好唔愿意，话到到都一样，话我地附近部冷气熄左，刚开番。我地话想坐出少少，经理话果张抬大点，可以坐6个人，但其实都系同样只系放左4张椅子，分别又何在呢？
咁难得约到出黎食饭，都想坐得好d，食得舒服点。搅到我地好似再三挨佢咁，讲左劲多句唔该，先同我地换另一张抬。点知后来发现原本想坐果张抬，都系得2个人坐，唔明点解当初唔换俾我地。
我明当时餐厅可能要预留之后入座突然黎6个人咁，但果度真系同样得4张椅子，同埋当时入座率根本唔太高，有一半场都系空左。而家客人礼貌地提出要求，唔明点解讲足三、四次都唔俾转。
后来，转左张新抬，舒服好多，冷气吹正，对正睇电视位。经理后来走过黎，都系话其实无分别。好啰，咁个客当下的感觉，应该不能作准，系咪咁解？难道要客人认错？
转转下位，同个经理再来回要求佢转抬又唔肯，搅呢搅路，明明8点黎到，搅到成9点先有得食，起初book 8点就系想早点食⋯⋯
叫左个2人餐（$388），拣左牛腩肉+五花腩+海鲜葱饼
有好多配菜，应该系红葱头，洋葱丝，同不同味粉。炉两旁的配菜都好好味，配埋甜菠萝、泡菜、蘑菇、仲有个洋葱包住鸡蛋，系几有韩国风味。
五花腩，偏肥，味道一般，太多脂肪太多油，好似满口食紧旧膏的感觉
牛腩肉，味道一般，质感普通，不算嫩滑，只是很普通的烤肉，脂肪分布不匀，不算出色甚至有点像某某平民日本茶餐厅的下午茶牛肉饭中的牛肉，而且份量不算多，根本不值这个价钱
反而配菜比主菜更有惊喜
海鲜葱饼系成道菜最好味的，好足料，而且配上葱，好够味又煎得香脆可口！
韩国侍应态度较殷勤，微笑住咁帮你烤肉
韩国人果然比香港人待客之道更友善，工作时很有礼貌
很乐意为你解问题，甚至问佢背景音乐播紧首歌叫咩名，都专登停低帮我揾
好好笑，佢地会拎个类似探热器的工具，去试下个炉够器够热
$388，再加一
定价偏高，烤肉食物质素一般，甚至可算是偏下，一点也不值这个价钱
只得煎位较为合符水准
尖沙咀应该有更多更好选择
经理态度有待改善，好彩佢记得问番我地洗唔洗落单煮炒饭，会跟进也很好
优点是有不少韩国人黎食，感觉置身韩国
系韩国侍应值得一赞
食一次就够
张贴
