Anthony's Ranch (已結業)

黎到西贡，见呢间食店既好评尚算多，而且门面装修几特别，所以就决定入去试下。入面既装潢满是西部牛仔既感觉，让人有置身于外国既感觉，而且餐桌均以牛作主要主题，故予我感觉在此食牛准没错！叫左个炸鱼薯条--可惜炸鱼未熟，仲有稔杰既感觉，食落感觉呕心，之后我地告知店员鱼柳尚未熟透，佢居然只系就咁攞番我咬左一口既鱼柳入去炸就算，呢个行为令我觉得整件事变得更呕心，如果佢店内系用所谓既万年油，咁将我食果既鱼柳放入去番炸，岂不是令成盘油都充满我既口水嘛...另外粟米煎饼同沙律都唔系我口味，而薯条既味亦亦属麻麻...一心以为黎到食牛实冇死，所以就叫左牛肉汉堡，不过佢冇问我地要几成熟，所以出到黎牛肉偏干，冇JUICY既感觉，令我大感失望可能系因为呢种为外国人既口味，我食唔惯先会觉得唔好食，不过大概唔会有下次喇~