PAPER STONE BAKERY

营业中

休息中

出街开工食饭最忌撞正放饭时间周围都系人，浪费时间等又坐得唔舒服。今日出嚟做嘢，中间隔一个钟刚刚就系最多人嘅时候，见到转角有间咁吸睛嘅面包铺，就决定拣个面包顶下肚饿算。铺头布置走高档次欧陆风情，除咗有面包柜可以自己夹面包，仲有店员帮你夹嘅精美甜品同有馅烘培面包。我行咗一个圈，觉得白朱古力脏脏包卖相最吸引，于是夹咗个放入透明胶袋。点知伏就中咗，面头嘅酱几乎扫平哂，无哂观赏价值，所以建议大家交比店员处理。食落真系好甜，有少量白朱古力味，面包软熟，系日本靓材料嘅出品。食一个真系唔太够饱，要喺度食饱可以贵过食个午餐。