西樹泡芙 (如心廣場二期)

营业中

休息中

主打泡芙嘅连锁店西树泡芙通常都系铁路沿线见到，今次嚟到荃湾西站旁边嘅如心广场，都见到佢嘅踪影。次次经过喺甜品柜见到啲泡芙都好想食，非常吸睛，今次一于买嚟食个下午茶！芒果乳酪泡芙 $32泡芙外皮轻盈酥脆，好香牛油味，虽然一直雪咗喺雪柜，但都依然保持酥脆。乳酪馅料的浓郁与芒果的清甜完美结合，酸酸甜甜，好有夏日清新嘅气息。朱古力三重奏泡芙 $29外观吸引，深色嘅朱古力外层看起来味道好浓郁，食落去亦都系有非常浓郁嘅黑巧克力味。朱古力馅料口感滑顺，但微微牛奶朱古力嘅香滑，另外加上牛奶馅料，形成了层次分明的味道，平衡返朱古力嘅可可味，钟意食朱古力嘅一定要试。抹茶红豆泡芙 $29抹茶香气十足，抹茶嘅淡淡甘甜味搭配着红豆嘅甜味，感受到抹茶的清雅和红豆的浓郁。泡芙的外皮依然保持著酥脆的口感，味道搭配唔错。