影片
更多
2024-05-06
2808 浏览
睇影片分享平台某饮食频道介绍，专做私房火锅同埋西餐饿妈家姐，讲到间店点有 heart，素来最欣赏呢样嘢，一于试吓。西班牙海鲜汤唔够香浓，似乎用咗啲瓜蓉，所以口感唔滑亦唔厚，西餐嘅浓汤羹系应该愈滑愈好，鬼佬叫 creamy，呢个汤望落去够杰㗎，但口感水汪汪又一粒粒。月式蒜蓉包超好食，不过呢啲系交返嚟，唔系自家烘焙。蕃茄什菜沙律第一度菜就系沙律，一上枱见到个沙律就知今餐已经中伏！钱大妈10蚊一大袋货色，都算，沙律汁自家调制都好卦，又系超市20蚊豉油咁大支货色，唉！JIM 炸鸡翼大快活下午茶餐只炸鸡翼好味过佢，死未？薯条并黑松露酱薯条好食，外脆内软有薯香，不过都系来货，只可以话炸得唔错！香煎北海道带子配日式面豉汁带子半成熟(一成都冇)，问佢佢话系咁，西餐通常唔食生带子，除非你餐牌讲明，不过你话系咁都冇计，面头用面豉汁煎过下，些小咸，带子原只比较厚身，故此几乎冇乜味道。下面有一件沾咗脆浆嘅薄片炸物，睇落似莲藕片，但油温控制差，一咬成口油，都感觉唔到里面系乜。法式牛油汁焗蛏子蛏子冇货唔出声，上枱先讲系北寄贝，个売就热到不得了，但粒北寄贝只系室温，水汪汪冇味道。慢煮南非鲍鱼配牛油肝汁眼高手低，想复
西班牙海鲜汤
唔够香浓，似乎用咗啲瓜蓉，所以口感唔滑亦唔厚，西餐嘅浓汤羹系应该愈滑愈好，鬼佬叫 creamy，呢个汤望落去够杰㗎，但口感水汪汪又一粒粒。
月式蒜蓉包
超好食，不过呢啲系交返嚟，唔系自家烘焙。
蕃茄什菜沙律
第一度菜就系沙律，一上枱见到个沙律就知今餐已经中伏！
钱大妈10蚊一大袋货色，都算，沙律汁自家调制都好卦，又系超市20蚊豉油咁大支货色，唉！
JIM 炸鸡翼
大快活下午茶餐只炸鸡翼好味过佢，死未？
薯条并黑松露酱
薯条好食，外脆内软有薯香，不过都系来货，只可以话炸得唔错！
香煎北海道带子配日式面豉汁
带子半成熟(一成都冇)，问佢佢话系咁，西餐通常唔食生带子，除非你餐牌讲明，不过你话系咁都冇计，面头用面豉汁煎过下，些小咸，带子原只比较厚身，故此几乎冇乜味道。
下面有一件沾咗脆浆嘅薄片炸物，睇落似莲藕片，但油温控制差，一咬成口油，都感觉唔到里面系乜。
法式牛油汁焗蛏子
蛏子冇货唔出声，上枱先讲系北寄贝，个売就热到不得了，但粒北寄贝只系室温，水汪汪冇味道。
慢煮南非鲍鱼配牛油肝汁
眼高手低，想复制日本矶煮鲍鱼仔，但一成都做唔到，味道不伦不类，口感寡到一个点，索性去海洋三(唔明就问黎明)入货效果仲好。
烤美国顶级封门柳
柴，只食咗两片
蒜香茄汁虾意粉
啲虾超级爽，因为啤水啤到完全零虾味(大佬，有壳虾都冇味真系大镬)，意粉佢想做 al dente，可惜口感系生嘅，亦冇蕃茄味，唔知佢想点。
甜品
唔错，不过都系来货嘅
总结：叫返嚟𠮶啲都唔错(蒜蓉包薯条甜品)，自己做嘅就出哂事，对西餐似乎一知半解，都系俾心机做返火锅算啦，何必吹到咁大，完。
张贴