茶茶台式料理 (已結業)

去旺角食台湾野，紧系食呀木啦，但排到队先得嫁，七点已经成个门口都企满晒人，佢隔离依加都多左台湾食店，所以简其中一间试下。入到去大概半full house到，人气都唔差。装修以白色为主调，配以木家私，都几柔和舒服。入到去安排座位，座位都阔落好坐。之后就可以扫QR code落单。沙茶牛肉锅（走辣）+粉丝：入面大部份既野食都煮过，之后有个小火帮你heat住食咁，所以唔洗等好耐。汤底唔会太咸，恰到好处，配料有牛肉、蚬、贡丸、菜、豆腐，每样少少咁都几丰富，加埋粉丝索汤又低卡饱肚，成个小火锅无晒罪恶感。加罐无糖可乐呃自己唔系食左好多卡路里职员亦会主动问你加唔加汤。麻酱手撕鸡拌面：好大碗，个面系麻酱热拌，麻得黎唔会太咸，啲面都唔会一饼饼，再加上凉伴既手撕鸡都几好食。蜜桃绿妍：大大杯，蜜桃味比茶味重。总结，依间食店以小火锅为主打，可惜我唔食臭豆腐，见到隔离枱食，阵味真系好劲😹应该好足料。不过沙茶牛肉锅同拌面都唔错，算系-6揾到间唔差既台湾野。