天海 (已結業)

小编生日周、日日都食好西呢！真系好开心！其实食完一餐好味既真系可以成日都好心情！今日又去试新嘢、呢间餐厅虽然唔系新开但小编其实成日都心思思想去试，但小编平日食饭时间又唔敢去事关佢地表明午餐只限20食、餐厅得10个位、小编真系怕碰钉冇🉐️食就好扫兴啦。今日系星期六、起码冇左d打工仔同小编争、加上小编一早12点就去到啦、入面得一个客ｏ者、我地一行四人就拿拿临入去食最爱既天妇罗啦。佢地既午市套餐好简单、4款包括天妇罗御膳（兄）即系多d𩠌咁解啦、天妇罗御膳（弟）、天丼(姉)、天丼(妹)。当然小编㨂我最爱既天丼啦、母亲大人就试佢地既御膳（即系一件一件炸上黎）碗饭好靓、饭好好味道、d𩠌配住酱汁都非常惹味、初时见到饭系冇酱汁既、仲惊佢唔够味、但d炸虾、炸物全部都沾左酱汁所以都非常够味，小编唔洗小饭都食晒lu！真系lam晒脷好滋味呀！小编去东京旅行既时候一定去金子半之助食天丼，佢地既天丼系非常出名、仲要价钱劲抵、大约70元港币，虽然香港食就要250但小编认为呢度既天丼绝对拍得住日本ｏ个d，所以小编真心觉得ｏ系度用餐好似置身日本一样，同样质素。另外顺带一提虽然师傅不苟言笑但都好有礼貌既，大家不用怕