影片
更多
2016-02-15
1176 浏览
老细请食开年饭，拣咗呢间喺坚尼地城嘅西餐 － Butcher & Baker Cafe。呢度好靓，原来系 Castelo Concepts集团嘅，即系 Jasper's 同 Oolaa 嘅同门，质素应该有返咁上下。餐厅门口有个好靓嘅花店，好似agnes b fleuriste, 令人不禁驻足观赏一番。入到去舖面装修一样咁靓，适逢新春，西餐厅都应吓节放啲桃花结下人缘姻缘；店舖里面嘅绿化环境，令食客有置身海外旅游嘅感觉，顿感轻松自在。呢度嘅 set lunch menu 系定价 HK$128+10%，咁好自然就会拣啲 "矜贵啲" 嘅嘢食啦！ Starter - Fish Cakes with Sweet Chili & Lemongrass Sauce呢个头盘系 fusion 菜，煎鱼饼里面混入咗绵绵嘅薯蓉同香茜，配上带有少少辣椒粒嘅泰式酸甜酱，作为小食都几开胃。同事就点咗呢个 Baby Octopus Salad with mixed green，顾名思义就系八爪鱼仔杂菜沙律，不过好欣赏佢哋用咗上十款唔同种类嘅蔬菜做呢个沙律，配合略略烤过嘅八爪鱼仔，鲜味一绝。至于 Main Course
入到去舖面装修一样咁靓，适逢新春，西餐厅都应吓节放啲桃花结下人缘姻缘；店舖里面嘅绿化环境，令食客有置身海外旅游嘅感觉，顿感轻松自在。
呢度嘅 set lunch menu 系定价 HK$128+10%，咁好自然就会拣啲 "矜贵啲" 嘅嘢食啦！
Starter - Fish Cakes with Sweet Chili & Lemongrass Sauce
呢个头盘系 fusion 菜，煎鱼饼里面混入咗绵绵嘅薯蓉同香茜，配上带有少少辣椒粒嘅泰式酸甜酱，作为小食都几开胃。
同事就点咗呢个 Baby Octopus Salad with mixed green，顾名思义就系八爪鱼仔杂菜沙律，不过好欣赏佢哋用咗上十款唔同种类嘅蔬菜做呢个沙律，配合略略烤过嘅八爪鱼仔，鲜味一绝。
至于 Main Course 我哋一致认为是一间西餐嘅实力，最中肯就系试佢哋嘅牛扒。我怕食生肉，所以份 Ribeye Steak 我叫咗 medium well；上碟一刻已经闻到香喷喷嘅牛肉味，旁边嘅薯条更加系画龙点睛，非常香脆可口！好好味～
不过唔知系咪 medium well太熟，块牛扒有啲位置略嫌煎得太干，流失咗啲肉汁。不过整体都算唔错。
最后上 Dessert －Ice Cream & Coconut Biscuit Sandwich呢个有啲似旺角𠮶间 Stacks，用两块cookies夹住一个雪糕球，因为我唔系咁钟意食椰丝，所以呢个甜品就唔系好啱我，食咗个云呢拿雪糕球就投降啦。如果有朱古力味嘅甜品，相信会更受欢迎！
总括嚟讲，呢个价钱呢个环境呢个份量，我觉得已经相当唔错，而且今餐系老细请食饭，讲真都已经好满足啦！多谢晒~
张贴
