味真 (已結業)

呢一间「味真」主打韩式烧烤，所以啲前菜小食都好讲究，生菜、萝卜、莲藕都有，而呢一款茖葱都系包肉食嘅，酸酸甜甜，不过佢由韩国空运到港，香港冇咩边间餐厅有得食㗎咋。酱料方面都好齐备，自己最钟意嘅就系墨西哥辣椒沙律酱。烧烤嘅猪肉方面今次就有「猪皮」、「猪三层肉」、「猪颈肉」、「伊比利猪肩肉」、同埋「香肠」。而牛肉方面就叫咗「牛肋肉」同埋「调味牛肋肉」两款。之外仲叫咗个「墨鱼仔」添。想讲呢间餐厅嘅质素真系好高，以上嘅有肉类都非常好味道，尤其是烧猪皮，需要知道呢样嘢冇返咁上下功力或者心机，系一定烧唔到嘅。好在呢度嘅店员帮手烧埋，我先可以食到烟韧美味嘅烧猪皮咋。但系好食还好食，记得要留肚饮汤。呢度嘅「肥牛面豉汤」超级好饮架。「泡菜炒饭」卖相非常之靓，食落去都非常美味。最后一定要提下呢一度嘅饮品，韩式罐装饮品唔系成日有得饮，呢度就有几款。唔只系相对普通嘅桃味汽水，仲有西瓜汽水同埋蜜瓜汽水，非常特别同得意。