金輝海鮮菜館

营业中

休息中

入到西贡谂住食海鲜，唔知边间好，最后屋企人被茶单同一个女士"tum" o左入去间金辉，又「螺」到个老细送o左碟菜，但呢间o野都系唔多掂，个蛏子好多沙；濑尿虾都唔算十分大只，仲要竟然o黎得四只，最离谱系同个伙记话o黎得四只，个伙记竟然话拎把校剪o黎剪开佢，无病o下话?!你估你五饼二鱼前开会多一只出o黎咩!!唯有同个老细讲，佢拎多只o黎，但size 之原本o个几只细o既，都无佢符啦。碟蟹又好细只，真系用o黎煲粥就差唔多；o黎碟鱼呢，羹都无个，问另一个伙记话要羹，个伙记都唔抵得话「呢度乜都无o既」。间o野话唔收加一，但又收每人十蚊茶芥，俾信用咭又话要加10% charge，哗食餐海鲜随时千几蚊啦，个个带咁多cash 出街咩，呢间o野真系好唔掂呀。