影片
更多
2023-09-25
3730 浏览
Umi 📍铜锣湾告士打道229-230号宇宙商业大厦13楼虽然未有得睇烟花，但都想到访下呢间近排人气高企嘅呢间海景餐厅。呢晚我就同朋友一齐book咗位食晚餐，好幸运地坐到窗口位，睇住夜景食饭，享受星期五嘅晚上。 💰$148火炙北海道带子明太子意粉 🍝难得book到台，当然要试下人人都推介嘅火炙北海道带子明太子意粉啦！佢最signature嘅地方，就系一串三粒嘅北海道带子，粒粒饱满多汁，火炙过嘅位置特别香，一啲都唔韧，推介！明太子意粉好多料，啖啖都食到明太子、蟹籽同蟹棒肉。意粉口感creamy，既带鲜蕃茄嘅酸，又有茄汁嘅甜，无论大人定小朋友都会喜欢。 💰$158蒲烧鳗鱼意大利丼饭 🍱另一人气主菜就系鳗鱼意大利丼饭，原条鳗鱼洒满柴鱼、配有红姜片、蛋丝同日本大葱丝，同一般日式丼饭无太大分别。但其实佢嘅饭底系risotto嚟㗎，所以味道特别香，口感特别滑。Fusion得嚟唔会伏，好啱成日三心两意，有选择困难症嘅朋友食。原条鳗鱼的确厚肉，涂满烧汁蒲烧后份外惹味，但食嘅时候要小心细骨呀。 💰$78 (套餐 +$88，可自选饮品及甜品)薄荷朱古力牛角窝夫 🥐前排介绍过同屋企人食croffle，朋友睇
📍铜锣湾告士打道229-230号宇宙商业大厦13楼
虽然未有得睇烟花，但都想到访下呢间近排人气高企嘅呢间海景餐厅。呢晚我就同朋友一齐book咗位食晚餐，好幸运地坐到窗口位，睇住夜景食饭，享受星期五嘅晚上。
[价钱 Price]
💰$148
火炙北海道带子明太子意粉 🍝
难得book到台，当然要试下人人都推介嘅火炙北海道带子明太子意粉啦！佢最signature嘅地方，就系一串三粒嘅北海道带子，粒粒饱满多汁，火炙过嘅位置特别香，一啲都唔韧，推介！明太子意粉好多料，啖啖都食到明太子、蟹籽同蟹棒肉。意粉口感creamy，既带鲜蕃茄嘅酸，又有茄汁嘅甜，无论大人定小朋友都会喜欢。
[价钱 Price]
💰$158
蒲烧鳗鱼意大利丼饭 🍱
另一人气主菜就系鳗鱼意大利丼饭，原条鳗鱼洒满柴鱼、配有红姜片、蛋丝同日本大葱丝，同一般日式丼饭无太大分别。但其实佢嘅饭底系risotto嚟㗎，所以味道特别香，口感特别滑。Fusion得嚟唔会伏，好啱成日三心两意，有选择困难症嘅朋友食。原条鳗鱼的确厚肉，涂满烧汁蒲烧后份外惹味，但食嘅时候要小心细骨呀。
[价钱 Price]
💰$78 (套餐 +$88，可自选饮品及甜品)
薄荷朱古力牛角窝夫 🥐
前排介绍过同屋企人食croffle，朋友睇到post后都表示好想试下，所以今次我就舍弃咗我嘅至爱—tiramisu，拣咗呢个薄荷朱古力Croffle俾佢试下，估唔到超有惊喜！
首先，系佢嘅造型好吸睛，店员捧住拎埋嚟已经吸引到周围嘅食客眼球，个个都好有兴趣我哋叫呢款系咩甜品。其次，就系佢有三大球薄荷朱古力雪糕。我真系好耐无拣呢只味嘅雪糕嚟食啦，真系令人怀念！垫底嘅Croffle微热，酥酥脆脆，沾朱古力酱或配雪糕食都一样咁夹。但最重要同最好食嘅居然系中间嚿蛋糕！本来我以为系普通嘅朱古力蛋糕或brownie，无咩太大期望，点知原来佢系超浓味偏苦嘅朱古力蛋糕，蛋糕面仲要有chocolate ganache，真系正到飞起。劲推介俾爱食浓味朱古力嘅人食！
[价钱 Price]
💰$42
静冈抹茶豆乳 🍵🥛
饮品方面我拣咗静冈抹茶豆乳，原本以为只系用咗豆乳嚟冲matcha latte，但实情佢更有层次。上台嘅时候饮品未被搅匀，所以会有好明显嘅绿白分隔，呢个时候最适合打卡。饮之前再自己搅拌几下，会饮到淡淡嘅豆乳味同抹茶粉嘅味道。特别提一提，饮品应该系加咗些少滑豆腐去增加口感，算系一个几新颖嘅冲调方法。
张贴
