影片
更多
2024-06-05
184 浏览
📍FUMI 🔍中环兰桂坊德己立街30-32号加州大厦6楼-----返工身心劳累，放假系要对自己好少少。呢间日式餐厅周末有Weekend Brunch，朋友推介话佢地嘅每日现切油甘鱼好正，搞到我心痒痒想试下。餐厅装潢行高级感日风，自助区食物摆放得井井有条，一路攞食物，可以沿路一路望住开放式厨房嘅师傅整嘢食。当中朋友大推嘅油甘鱼，12点30前会先原条展出比大家相机先食，12点30之后就会开始现场原条即切，切好就会摆放出嚟比客人自取。🐟刺身：款式唔算好多，但系每一款都质素到位。现切油甘鱼就唔使讲，咁新鲜切出嚟，鲜甜度确系很不错。三文鱼虽然唔系现切，但入口鱼脂丰腴，其实都唔输油甘鱼。另外，八爪鱼冰爽弹牙，带子贝柱肥厚，每一款都吸引到我encore多次。🍣寿司卷物：一共只有四款，但系款款出色。四款分别系A4 宫崎和牛寿喜烧卷、鳗鱼牛油果卷、FUMI素菜卷及杂锦辛香剌身太卷。全部都系少饭多馅，而且饭醋调味恰到好处，个人尤其中意质感柔嫩带微微辣香嘅杂锦辛香剌身太卷。整体嚟讲佢哋嘅寿司都做得几出色，每人一客嘅主菜order咗精选手握寿司拼盘，同样系质素上乘，火炙左口鱼边更系入口即化。🍘炸物：由于场内客
🔍中环兰桂坊德己立街30-32号加州大厦6楼
-----
返工身心劳累，放假系要对自己好少少。呢间日式餐厅周末有Weekend Brunch，朋友推介话佢地嘅每日现切油甘鱼好正，搞到我心痒痒想试下。
餐厅装潢行高级感日风，自助区食物摆放得井井有条，一路攞食物，可以沿路一路望住开放式厨房嘅师傅整嘢食。当中朋友大推嘅油甘鱼，12点30前会先原条展出比大家相机先食，12点30之后就会开始现场原条即切，切好就会摆放出嚟比客人自取。
🐟刺身：
款式唔算好多，但系每一款都质素到位。现切油甘鱼就唔使讲，咁新鲜切出嚟，鲜甜度确系很不错。三文鱼虽然唔系现切，但入口鱼脂丰腴，其实都唔输油甘鱼。另外，八爪鱼冰爽弹牙，带子贝柱肥厚，每一款都吸引到我encore多次。
🍣寿司卷物：
一共只有四款，但系款款出色。四款分别系A4 宫崎和牛寿喜烧卷、鳗鱼牛油果卷、FUMI素菜卷及杂锦辛香剌身太卷。全部都系少饭多馅，而且饭醋调味恰到好处，个人尤其中意质感柔嫩带微微辣香嘅杂锦辛香剌身太卷。整体嚟讲佢哋嘅寿司都做得几出色，每人一客嘅主菜order咗精选手握寿司拼盘，同样系质素上乘，火炙左口鱼边更系入口即化。
🍘炸物：
由于场内客人颇多，所以自助区嘅炸物turnover rate都颇高，因而可以保持良好热度。推介一试日式芝士年糕，甜甜咸咸，外层香脆，内层带点烟韧口感，虽然容易饱肚。但系都忍唔住食咗几粒。
🍢烧物：
牛油烧粟米香香甜甜，牛油香气浓郁；盐烧宫崎鸡翼饱满大只，咬落紧实多汁；仲有宫崎特产黑豚香肠亦不错，肉脂比例高，入口油润且肉味浓郁，系就系肥啲，不过好食都系要食😛。
张贴
