Odelice! (The ONE)

呢日同大少、小妹去尖沙咀睇完多啦A梦展览，行阵街，就嚟咗The One呢间餐厅食嘢！呢度装修有格调，高雅清新，欧洲风设计，响度食嘢都好舒服。我哋叫咗个一个brunch set同一个儿童餐，儿童餐我哋叫咗炸鱼薯条，呢个简直系小朋友最爱，薯条香脆可口，炸鱼外脆内软，鱼肉鲜甜。个餐仲送一杯饮品，我哋要咗橙汁，系鲜榨的，好fresh！最后甜品系士多啤梨雪糕，食完真系透心凉，正~Brunch set头盘餐汤系青豆汤，汤质够滑，有啲烟肉喺里面，咸咸地，有口感。主菜我哋叫咗烤龙虾烩饭，龙虾都算大只，肉质鲜甜，个烩饭烟烟韧韧，蕃茄酱汁酸甜适中。饮品我哋要咗个水果特饮，酸酸甜甜，好清新！最后我哋要咗个甜品Chocolate Brownie ，配云呢拿雪糕。Brownie有口感，有浓烈嘅朱古力香气，云呢拿雪糕配响上面，非常配合，令人回味。