土司工坊 (PopCorn) (已結業)

行popcorn商城行到餓餓地，經過見到有叻沙食，就入去食個下午茶。選擇都唔少，由多士到湯面，連肉骨茶都有。於是我就試叻沙 ，朋友想飲啖湯，於是叫肉骨茶，兩個餐都有跟野飲，可以食完飲住野傾下計，唔錯。等左5分鐘左右就上餐，叻沙個湯好有椰香，口感都好順滑濃郁，唔會太稀太水。配料方面都算豐富，雖然蝦係冰鮮蝦，但都無雪味，依個價錢來講可以接受。肉骨茶我都飲左兩啖，有d藥材味，食左舊排骨，都炆得淋，唯一挑剔就係個湯只係溫，而唔夠熱。下午茶都算唔錯，選擇夠多，價錢都合理。