巴辣仔烤魚雞煲 (加連威老道) (已結業)

当日叫咗烤鱼，有三种鱼可以选择，拣咗中价位嘅鱼，配菜拣咗莴苣，大豆芽，海带，萝卜。食落的确系惹味，但其实系味精非常浓，未食完已经觉得口渴，而且越食越口渴，而且越煲越咸。另外亦提一提，个炉一嚟set 大火，开始滚嘅时候转中火，但一直好似冇咩反应咁。set 到差不多最细先控制到火力。要小心。另外其实当日系晚市早段时间大概六点几，无几多枱客，两个人去二人枱放完个炉已经冇咩位，未落单前要求转去卡位，d 阿姐推三推四又话留咗枱，最后食到差唔多埋单先有人walkin 坐卡位。其实大d 嘅枱想留俾多人嘅客咪直接讲，何必讲大话。